அறுவடைக்கு தயார்நிலையில் மக்காச்சோளம்

வத்திராயிருப்பு,

வத்திராயிருப்பு பகுதிகளில் அறுவடைக்கு மக்காச்சோளம் தயார் நிலையில் உள்ளது.

மக்காச்சோளம் சாகுபடி

வத்திராயிருப்பு, அர்ச்சுனாபுரம், கான்சாபுரம், அத்தி கோவில், வ.மீனாட்சிபுரம், தாணிப்பாறை, சுந்தரபாண்டியம், கோட்டையூர், இலந்தைகுளம், தைலாபுரம், அக்கணாபுரம் மற்றும் அதன் சுற்றுவட்டார பகுதிகளில் 200-க்கும் மேற்பட்ட ஏக்கரில் மக்காச்சோளம் சாகுபடி செய்யப்பட்டுள்ளது.

தற்ேபாது இந்த சோளமானது அறுவடை செய்யும் தருணத்தில் உள்ளது. வழக்கத்தை காட்டிலும் இந்த ஆண்டு விளைச்சல் அதிகமாக இருப்பதால் விவசாயிகள் மகிழ்ச்சியில் உள்ளனர்.

விவசாயிகள் மகிழ்ச்சி

இதுகுறித்து அப்பகுதி விவசாயிகள் கூறியதாவது:-

வத்திராயிருப்பு மற்றும் அதன் சுற்றுவட்டார கிராம பகுதிகளில் 200-க்கும் மேற்பட்ட ஏக்கரில் மக்காச்சோளம் பயிரிடப்பட்டு உள்ளது. கடந்த 2 ஆண்டுகளாக பெய்த தொடர் மழையால் இப்பகுதியில் உள்ள கண்மாய்களிலும், கிணறுகளிலும் விவசாயம் செய்வதற்கு போதுமான அளவு தண்ணீர் இருப்பதால் தற்போது மக்காச்ேசாளத்தில் நல்ல விளைச்சல் உள்ளது.

இன்னும் 2 அல்லது 3 வாரங்களில் மக்காச்சோளம் அறுவடை செய்யப்பட உள்ளது. நல்ல விளைச்சல் இருப்பதால் நாங்கள் எதிர்பார்த்த விலையும் கிடைக்கும் என்ற நம்பிக்கை உள்ளது. நல்ல விளைச்சலால் விவசாயிகள் மகிழ்ச்சியில் உள்ளனர்.

இவ்வாறு அவர்கள் கூறினர்.