திருவள்ளூர் அருகே மோட்டார் சைக்கிள்- வேன் மோதல்; டிரைவர் சாவு

திருவள்ளூரை அடுத்த நரசிங்கபுரம் ஒத்தவாடை தெருவை சேர்ந்தவர் சிவபதி (வயது 34). டிரைவர். இவருக்கு கீதா என்ற மனைவியும், வினித் என்ற மகனும் உள்ளனர். இந்த நிலையில் நேற்று அதிகாலை சிவபதி தனது மோட்டார் சைக்கிளில் ஒரகடம் நோக்கி சென்று கொண்டிருந்தார்.

அவர் திருவள்ளூரை அடுத்த கோவிந்தமேடு பஞ்சாயத்து அலுவலகம் எதிரே சென்றபோது வேகமாக வந்த மினிவேன் ஒன்று எதிர்பாராத விதமாக மோட்டார் சைக்கிள் மீது மோதியது.

இதில் பலத்த காயம் அடைந்த சிவபதி சம்பவ இடத்திலேயே பரிதாபமாக இறந்துபோனார். இது குறித்து கீதா மப்பேடு போலீசில் புகார் செய்தார். இன்ஸ்பெக்டர் அந்தோணி ஸ்டாலின், சப்-இன்ஸ்பெக்டர் இளங்கோ ஆகியோர் வழக்குப்பதிவு செய்து சிவபதி உடலை மீட்டு பிரேத பரிசோதனைக்காக திருவள்ளூர் அரசு ஆஸ்பத்திரிக்கு அனுப்பி வைத்தனர்.

விபத்து ஏற்படுத்தி விட்டு தப்பி ஓடிய மினி வேன் டிரைவர் யார்? என்று விசாரித்து வருகிறார்கள்.