பஸ் மோதி வடமாநில வாலிபர் பலி

கிணத்துக்கடவு,

ஜார்கண்ட் மாநிலம் ஜெகநாத்பூர் பகுதியை சேர்ந்தவர் ராமகாந்த் கோபி. இவரது மகன் பரமேஸ்வர் கோபி (வயது 24). இவர் கிணத்துக்கடவு அருகே எஸ்.மேட்டுப்பாளையம் பகுதியில் தனியார் நூல் மில்லில் பணியாற்றும் உறவினரை பார்ப்பதற்காக வந்தார். கோவை-பொள்ளாச்சி சாலையில் தனியார் தென்னை நார் தொழிற்சாலை அருகே நடந்து வந்தபோது, பொள்ளாச்சியில் இருந்து கோவைக்கு சென்ற தனியார் பஸ் பரமேஸ்வர் கோபி மீது எதிர்பாராதவிதமாக மோதியது. இதில் படுகாயம் அடைந்த பரமேஸ்வர் கோபியை அக்கம்பக்கத்தினர் மீட்டு ஆம்புலன்ஸ் மூலம் பொள்ளாச்சி அரசு ஆஸ்பத்திரிக்கு சிகிச்சைக்காக அனுப்பி வைத்தனர். அங்கு பரமேஸ்வர் கோபியின் உடலை பரிசோதனை செய்த டாக்டர்கள், வரும் வழியிலேயே இறந்து விட்டதாக தெரிவித்தனர். இதுகுறித்து கிணத்துக்கடவு போலீசார் தனியார் பஸ் டிரைவர் தங்கவேல் மீது வழக்குப்பதிவு செய்தனர். மேலும் அவரிடம் விசாரணை மேற்கொண்டு வருகின்றனர்.