சின்னமனூர் காந்தி நகர் காலனியை சேர்ந்தவர் ராஜ்குமார் (வயது 29). நேற்று முன்தினம் இரவு இவர், தனது நண்பருடன் கம்பம் போக்குவரத்து சிக்னல் அருகே உள்ள கடையில் டீ குடித்துவிட்டு வெளியே வந்தார். அப்போது மோட்டார் சைக்கிளில் வந்த 3 மர்ம நபர்கள் ராஜ்குமார் கையில் வைத்திருந்த செல்போனை பறித்து கொண்டு மின்னல் வேகத்தில் தப்பி சென்றனர். இதுகுறித்து அவர் கம்பம் வடக்கு போலீஸ் நிலையத்தில் புகார் கொடுத்தார். அதன்பேரில் கம்பம் வடக்கு போலீசார் வழக்குப்பதிவு செய்து விசாரணை நடத்தி வருகின்றனர்.