திரைப்பட இயக்குனர் கொலை வழக்கில் மேலும் ஒருவர் கைது

பெரம்பலூர் நகராட்சிக்குட்பட்ட அரணாரை அண்ணா தெருவை சேர்ந்த திரைப்பட இயக்குனர் அப்துல் ரகுமானை கொலை செய்த வழக்கில் பெரம்பலூர் போலீசார் வழக்குப்பதிவு செய்து அபினாஷ், நவீன், பிரேம் ஆனந்த், அவரது மனைவி ரமணி, மற்றொரு நவீன், 17 வயதுடைய சிறுவன் மற்றும் ரேவதி, நித்யா ஆகியோரை கைது செய்தனர். மேலும் இந்த கொலை வழக்கு தொடர்பாக சரவணன், தன்ராஜ் ஆகிய 2 பேர் கோர்ட்டில் சரணடைந்தனர். முக்கிய குற்றவாளிகளான தீனதயாளன், தட்சிணாமூர்த்தி ஆகியோரையும் போலீசார் கைது செய்து சிறையில் அடைத்தனர்.

இந்த நிலையில் மேற்கண்ட கொலை வழக்கு தொடர்பாக பெரம்பலூர் அருகே நெடுவாசல் வடக்கு தெருவை சேர்ந்த அண்ணாதுரையின் மகன் கொடி கமல் என்ற கமல்ஹாசனை (வயது 26) நேற்று போலீசார் கைது செய்து திருச்சி மத்திய சிறையில் அடைத்தனர்.