கோவை மத்திய சிறையில் போக்சோ கைதி சாவு

ஈரோடு மாவட்டம் கவுந்தப்பாடி காமராஜ் நகரை சேர்ந்தவர் ரங்கசாமி (வயது 72). இவர் 12 வயது சிறுமிக்கு பாலியல் தொல்லை கொடுத்த வழக்கில் ஈரோடு போலீசாரால் போக்சோவில் கைது செய்யப்பட்டார். பின்னர் இந்த வழக்கை விசாரித்த ஈரோடு மகிளா கோர்ட்டு அவருக்கு 4 ஆண்டு சிறை தண்டனை விதித்து உத்தரவிட்டது. இதையடுத்து ரங்கசாமி கோவை மத்திய சிறையில் அடைக்கப்பட்டார்.

இந்த நிலையில் அவரது உடல்நிலை கடந்த 16-ந் தேதி பாதிக்கப்பட்டது. இதையடுத்து அவர் கோவை அரசு ஆஸ்பத்திரியில் சிகிச்சைக்காக அனுமதிக்கப்பட்டார். அங்கு சிகிச்சை பலனின்றி அவர் நேற்று முன்தினம் உயிரிழந்தார். இதுகுறித்து ரேஸ்கோர்ஸ் போலீசார் வழக்குப்பதிவு செய்து விசாரணை நடத்தி வருகின்றனர்.