பொதுவிநியோக திட்ட சிறப்பு முகாம்

சங்கராபுரம்

சங்கராபுரம் தாலுகா அலுவலகத்தில் பொதுவிநியோக திட்டத்தின் கீழ் சிறப்பு முகாம் நடைபெற்றது. இதற்கு வட்ட வழங்கல் அலுவலர் ராஜா தலைமை தாங்கினார். முதுநிலை வருவாய் ஆய்வாளர் செங்குட்டுவன் முன்னிலை வகித்தார். தனி வருவாய் ஆய்வாளர் கார்மேகம் வரவேற்றார். முகாமில் முகவரி மாற்றம், பெயர் சேர்த்தல், நீக்கல் மற்றும் திருத்தம், மொபைல் எண் மாற்றம் உள்ளிட்ட கோரிக்கைகள் தொடர்பாக பொதுமக்களிடம் இருந்து 24 மனுக்கள் பெறப்பட்டன. இதில் அனைத்து மனுக்கள் மீதும் உடனடி தீர்வு காணப்பட்டது. இதில் வட்ட பொறியாளர் அய்யனார் மற்றும் பொதுமக்கள் கலந்து கொண்டனர்.