தமிழகத்தின் 5 மாவட்டங்களில் அடுத்த 3 மணிநேரத்திற்கு மழை நீடிக்கும் : வானிலை மையம் அறிவிப்பு

சென்னை,

தமிழகத்தில் இன்று முதல் 5 நாட்களுக்கு கனமழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்து இருந்த நிலையில், சென்னை உட்பட பல பகுதிகளில் தற்போது கனமழை பெய்துவருகிறது.

இந்த நிலையில், தமிழகத்தின் 5 மாவட்டங்களில் அடுத்த 3 மணிநேரத்திற்கு மழை நீடிக்கும் என சென்னை வானிலை ஆய்வுமையம் அறிவித்துள்ளது. அதாவது, சென்னை, செங்கல்பட்டு, திருவண்ணாமலை, திருவள்ளூர் மற்றும் காஞ்சிபுரம் ஆகிய 5 மாவட்டங்களில் அடுத்த 3 மணி நேரத்திற்கு கனமழை நீடிக்கும் என சென்னை வானிலை மையம் தகவல் தெரிவித்துள்ளது.