சக்திமாரியம்மன் கோவில் கும்பாபிஷேகம்

வடவள்ளி

கோவை வடவள்ளி அருகே வீரகேரளம் திம்மையா நகரில் சக்தி விநாயகர், சக்தி மாரியம்மன், முனியப்பன் கோவில் உள்ளது. இந்த கோவிலின் கும்பாபிஷேக விழா நடைபெற்றது. கும்பாபிஷேக விழா கடந்த 6-ந் தேதி முளைப்பாரி ஊர்வலத்துடன் தொடங்கியது. தொடர்ந்து திருவிளக்கு வழிபாடு, பிள்ளையார் வழிபாடு உள்ளிட்ட பல்வேறு பூஜைகள் நடைபெற்றன. 7-ந் தேதி விமான கலசம் நிறுவுதல், 3-ம் கால வேள்வி பூஜை நடைபெற்றது. அதனைத்தொடர்ந்து நேற்று காலை திருப்பள்ளி எழுச்சி, கலச திருக்குடங்கள் கோவிலை சுற்றி வலம் வருதல் ஆகியவை நடந்தது. பின்னர் காலை 8 மணிக்கு கும்பாபிஷேகம் நடைபெற்றன. இதையடுத்து சிரவை ஆதீனம் குமரகுருபர சுவாமிகள் கோபுர கலசத்திற்கு தீபாராதனை காண்பித்தார். விழா ஏற்பாடுகளை கோவில் நிர்வாகத்தினர் செய்திருந்தனர்.