கோவில்களில் சங்கடஹர சதுர்த்தி வழிபாடு

தா.பேட்டை:

தா.பேட்டையில் காசி விசாலாட்சி சமேத காசிவிசுவநாதர் கோவிலில் உள்ள ராஜகணபதிக்கு சங்கடஹர சதுர்த்தியை முன்னிட்டு சிறப்பு அபிஷேகங்கள் செய்யப்பட்டு, அலங்கரிக்கப்பட்டு, தீபாராதனை நடைபெற்றது. இதில் பக்தர்கள் கலந்து கொண்டு வழிபட்டனர். இதேபோல் என்.கருப்பம்பட்டியில் வள்ளி, தேவசேனா சமேத முருகப்பெருமான் கோவிலில் உள்ள சக்தி விநாயகருக்கும், தேவானூர் சண்முககிரிமலை பாலதண்டாயுதபாணி சுவாமி கோவிலில் உள்ள சக்திபால விநாயகருக்கும் சிறப்பு வழிபாடுகள் நடைபெற்றன. இதில் திரளான பக்தர்கள் கலந்து கொண்டு வழிபட்டனர்.