தூய்மை பணியாளர்கள் ஆர்ப்பாட்டம்

கிருஷ்ணராயபுரம் ஊராட்சி ஒன்றிய அலுவலகம் முன்பு தமிழ்நாடு கிராம மேல்நிலை தொட்டி இயக்குபவர்கள், தூய்மை பணியாளர்கள், தூய்மை காவலர்கள் சங்கத்தினர் சார்பில் ஆர்ப்பாட்டம் நடைபெற்றது. இதற்கு மாவட்ட செயலாளர் செல்வம் தலைமை தாங்கினார். ஒன்றிய செயலாளர் முருகேசன் வரவேற்று பேசினார். கிராம ஊராட்சிகளில் பணியாற்றும் தூய்மை காவலர்களுக்கு பொங்கல் கருணைத் தொகை, அகவிலைப்படி குறைந்தபட்ச ஊதியம் ரூ.7500 வழங்க வேண்டும், தூய்மை காவலர்களுக்கு ஊராட்சி மூலம் நேரடியாக ஊதியம் வழங்க வேண்டும், குடும்ப பாதுகாப்பு நிதி வழங்க வேண்டும் என்ற கோரிக்கை வலியுறுத்தி இந்த ஆர்ப்பாட்டம் நடந்தது. இதில் சங்க நிர்வாகிகள் மற்றும் பலர் கலந்து கொண்டனர்.