மணல் கடத்திய லாரி பறிமுதல்

தோகைமலை அருகே உள்ள கூடலூர் கிராமத்தில் சட்டவிரோதமாக லாரியில் மணல் கடத்தப்படுவதாக தோகைமலை குறுவட்ட வருவாய் ஆய்வாளர் மாதேஸ்வரிக்கு தகவல் வந்தது. அதன்பேரில் வருவாய்துறையினர் அப்பகுதியில் சோதனை நடத்தினர். அப்போது, கூடலூர் கிராமத்தில் உள்ள குழந்தைவேல் என்பவரின் நிலத்தில் சட்டவிரோதமாக ஒரு லாரியில் மணல் கடத்தியது தெரியவந்தது. இதையடுத்து மணல் கடத்தியதாக நாட்டார் கோவில்பட்டி பகுதியை சேர்ந்த நந்தகுமார் (வயது 22) என்பவரை அதிகாரிகள் பிடித்து தோகைமலை போலீசாரிடம் ஒப்படைத்தனர். மேலும் பதிவு எண் இல்லாத லாரியும் மணலுடன் பறிமுதல் செய்யப்பட்டன. இந்த சம்பவம் குறித்து தோகைமலை போலீசார் வழக்குப்பதிந்து விசாரணை டத்தி வருகின்றனர்.