ரூ.40 லட்சத்திற்கு ஆடுகள் விற்பனை

கே.வி.குப்பம் சந்தை மேட்டில் திங்கட்கிழமை தோறும் நடைபெறும் ஆட்டுச் சந்தை நேற்று நடைபெற்றது. மாவட்டத்தின் பல்வேறு இடங்களில் இருந்தும் அதிகாலையில் இருந்தே ஆடுகள் விற்பனைக்கு கொண்டு வரப்பட்டன. கடந்த வாரத்தை விட இந்த வாரம் ஆடுகளின் வரத்து கூடுதலாகக் காணப்பட்டது. வியாபாரிகளும் அதிக அளவில் வந்திருந்தனர்.

ஒரு ஆடு ரூ.6 ஆயிரம் முதல் ரூ.18 ஆயிரம் வரை விலைபோனது. சுமார் ரூ.40 லட்சத்திற்கு ஆடுகள் விற்பனையானதாக வியாபாரிகள் தெரிவித்தனர்.