அம்மன் கோவில்களில் சிறப்பு பூஜை
அமாவாசையையொட்டி அம்மன் கோவில்களில் சிறப்பு பூஜை நடந்தது.
நீலகிரி
கோத்தகிரி
ஆனி மாத அமாவாசையையொட்டி கோத்தகிரியில் உள்ள அம்மன் கோவில்களில் சிறப்பு பூஜை நடைபெற்றது. கோத்தகிரி கடைவீதியில் பிரசித்தி பெற்ற மாரியம்மன் கோவில் உள்ளது. இக்கோவிலில் ஒவ்வொரு மாதமும் பவுர்ணமி மற்றும் அமாவாசை நாட்களில் அம்மனுக்கு சிறப்பு அபிஷேக, அலங்கார பூஜைகள் நடைபெறுவது வழக்கம். இந்தநிலையில் ஆனி மாத அமாவாசை நாளான நேற்று கருமாரியம்மன் கோவிலில் அம்மனுக்கு அபிஷேக, அலங்கார பூஜைகள் நடந்தது. தொடர்ந்து பக்தர்களுக்கு அன்னதானம் வழங்கப்பட்டது.
இதேபோல கோத்தகிரி கடைவீதியில் உள்ள சவுடேஸ்வரி அம்மன் கோவில், பண்ணாரி மாரியம்மன் கோவில், டானிங்டன் கருமாரியம்மன் கோவில்களில் அமாவாசையையொட்டி சிறப்பு பூஜை நடைபெற்றது.
Related Tags :
Next Story