சிறப்பு தூய்மை பணி முகாம்

சுரண்டை:

சுரண்டை காமராஜர் அரசு கலைக் கல்லூரி நாட்டுநலப்பணித்திட்ட மாணவர்கள் அணி எண் 201 மற்றும் சுரண்டை நகராட்சி தூய்மை பணியாளர்கள் இணைந்து கல்லூரி வளாகத்தை சுத்தம் செய்யும் பணி நடந்தது. நிகழ்ச்சிக்கு கல்லூரி முதல்வர் இரா.சின்னத்தாய் தலைமை தாங்கினார். பேராசிரியர் வீரபத்திரன், சுரண்டை நகராட்சி கவுன்சிலர்கள் ராஜ்குமார், அமுதாசந்திரன் ஆகியோர் முன்னிலை வகித்தனர். பேராசிரியர் ராஜாசிங் வரவேற்றார். சிறப்பு விருந்தினராக சுரண்டை நகராட்சி தலைவர் ப.வள்ளிமுருகன் கலந்து கொண்டு நிகழ்ச்சியை தொடங்கி வைத்தார். பின்னர் மாணவர்களை ஊக்குவிக்கும் விதமாக நாட்டு நலப்பணி திட்ட குழுவினருக்கு மண்வெட்டி, சட்டி போன்ற தளவாட பொருட்களை வழங்கினார். நிகழ்ச்சியில் நாட்டு நலப்பணி திட்ட மாணவ மாணவிகள், பேராசிரியர்கள், நகராட்சி பணியாளர்கள் கலந்து கொண்டனர். நாட்டு நலப்பணி திட்ட அலுவலர; கிருஷ்ணகுமார் நன்றி கூறினார்.