தொழிலாளி திடீர் சாவு

நெல்லிக்குப்பம்,

விழுப்புரம் மாவட்டம் மேல்பாதி சொர்ணாவூரை சேர்ந்தவர் அய்யப்பன் (வயது 33). தொழிலாளி. இவருக்கு காமாட்சி என்கிற மனைவி, ஒரு மகன் உள்ளனர். சம்பவத்தன்று அய்யப்பன் தனியார் பஸ்சில் மேல்பட்டாம்பாக்கத்திற்கு வந்தார்.

அப்போது அங்குள்ள சந்தத்தோப்பு திடலில், அவர் திடீரென மயங்கி விழுந்து கிடந்தார். அவரை அங்கிருந்தவர்கள் மீட்டு சிகிச்சைக்காக கடலூர் அரசு மருத்துவமனைக்கு கொண்டு சென்றனர். அங்கு அவரை பரிசோனை செய்த டாக்டர்கள், வரும் வழியிலேயே அய்யப்பன் உயிரிழந்து விட்டதாக தெரிவித்தனர்.

இது குறித்து நெல்லிக்குப்பம் போலீசார் வழக்கு பதிவு செய்து விசாரணை நடத்தி வருகின்றனர்.