பரமத்திவேலூர்:

பரமத்திவேலூர் சுற்றுவட்டார பகுதிகளில் உள்ள அம்மன் கோயில்களில் வைகாசி மாத பவுர்ணமியையொட்டி சிறப்பு பூஜைகள் நடைபெற்றது. அதன்படி வேலூர் மகா மாரியம்மன், நன்செய் இடையாறு மாரியம்மன், பரமத்தி அங்காளம்மன், பேட்டை பகவதியம்மன், புதுமாரியம்மன், கோப்பணம்பாளையம் அரசாயி அம்மன், பொத்தனூர் பகவதியம்மன் உள்ளிட்ட அம்மன் மற்றும் குலதெய்வ கோவில்களில் அம்மனுக்கு சிறப்பு அபிஷேகம், அலங்காரம் நடைபெற்றது. இதில் அந்தந்த பகுதிகளை சேர்ந்த பொதுமக்கள் மற்றும் குடிபாட்டு மக்கள் கலந்து கொண்டு தரிசனம் செய்தனர்.