ஏரியூர் அருகே அரசு பஸ் மோதி கோவில் பூசாரி சாவு

ஏரியூர்

ஏரியூர் அருகே உள்ள முதுகம்பட்டியைச் சேர்ந்தவர் சோமசேகர் (வயது 59). கோவில் பூசாரி. இவர் நேற்று சின்னம்பள்ளி அருகே உள்ள ஜருகுவில் பூஜையை முடித்து விட்டு பென்னாகரம் நோக்கி மோட்டார் சைக்கிளில் சென்றார். 7-வது மைல் பகுதியில் சென்றபோது பென்னாகரத்தில் இருந்து மேச்சேரி நோக்கி சென்ற அரசு பஸ், மோட்டார் சைக்கிள் மீது மோதியது. இதில் தூக்கி வீசப்பட்ட சோமசேகர் சம்பவ இடத்திலேயே பரிதாபமாக இறந்தார்.

இந்த விபத்து குறித்து பெரும்பாலை போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று உடலை கைப்பற்றி பிரேத பரிசோதனைக்காக பென்னாகரம் அரசு மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.