ராதாபுரம்:

ராதாபுரம் பாவேந்தர் பாரதிதாசன் நகரைச் சேர்ந்தவர் முருகன் (வயது 47), தொழிலாளி. இவர் நேற்று மாலையில் ராதாபுரம் பஸ் நிலையம் பின்புறம் உள்ள குளக்கரையின் தடுப்பு சுவரில் இறந்து கிடந்தார். இதுகுறித்து தகவல் அறிந்ததும், ராதாபுரம் போலீசார் விரைந்து சென்று, அவரது உடலைக் கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர். முருகன் உடல் நலக்குறைவு காரணமாக இறந்தாரா? அல்லது விஷம் குடித்து தற்கொலை செய்து கொண்டாரா? என்பது குறித்து போலீசார் விசாரித்து வருகின்றனர்.