அரசு நிகழ்ச்சியில் பங்கேற்க துணிப்பையுடன் ரெயிலில் புறப்பட்ட தலைமைச் செயலாளர்....!

சென்னை,

கள ஆய்வில் முதல்-அமைச்சர்' திட்டத்தின் முதல் அரசுமுறை 2 நாள் பயணமாக வேலூர், ராணிப்பேட்டை, திருப்பத்தூர் மற்றும் திருவண்ணாமலை மாவட்டங்களுக்கு முதல்-அமைச்சர் மு.க.ஸ்டாலின் சென்னையில் இருந்து இன்று புறப்பட்டார். இதற்காக அவர் சென்னை சென்டிரல் ரெயில் நிலையத்தில் இருந்து பகல் 10.26 மணிக்கு சீரடி செல்லும் அதிவிரைவு எக்ஸ்பிரஸ் ரெயிலில் காட்பாடி சென்றார்.

முதல்-அமைச்சருடன், தலைமை செயலாளர் வெ.இறையன்பு, முதல்-அமைச்சரின் தனிச்செயலாளர்கள் உதயச்சந்திரன், உமாநாத், சண்முகம் ஆகியோரும் முதல்-அமைச்சருடன் ரெயிலில் பயணம் செய்தனர்.

இந்த பயணத்திற்காக தலைமைச் செயலாளர் இறையன்பு சென்னை சென்டிரல் ரெயில் நிலையத்தில் துணிப்பையை தோளில் தொங்கவிட்டபடி எளிமையாக புறப்பட்டு சென்றார்.