ராணிப்பேட்டை மாவட்டத்தில் கோடைக்காலம் தொடங்கியது முதல் வெயிலின் தாக்கம் அதிகமாக காணப்பட்டது. இந்த நிலையில் கடந்த சில நாட்களாக மாவட்டத்தின் பல்வேறு பகுதிகளில் பரவலாக மழை பெய்து வருகிறது. அதனால் வெப்பம் தணிந்துள்ளது.

இந்த நிலையில் மாவட்டத்தின் பல்வேறு பகுதிகளில் இடி-மின்னலுடன் பலத்த மழை பெய்தது. இதனால் நீர்வரத்து கால்வாய்களில் வெள்ளம் பெருக்கெடுத்து ஓடியது. மாவட்டத்தில் அதிகபட்சமாக கலவையில் 52.2 மில்லி மீட்டர் மழையளவு பதிவாகியுள்ளது. மற்ற இடங்களில் பெய்த மழையளவு மில்லி மீட்டரில் வருமாறு:-

ராணிப்பேட்டை-40.4, ஆற்காடு-40.2, காவேரிப்பாக்கம்-11, பனப்பாக்கம்-11.2, வாலாஜா-31.7, அம்மூர்-30, பாலாறு அணைக்கட்டு-28.2, சோளிங்கர்-2.