பெண்ணிடம் நகையை பறித்தவர் கைது

திண்டிவனம்,

திண்டிவனம் அடுத்த தென்களவாய் பகுதியை சேர்ந்தவர் அன்பரசன். இவர் தனது மனைவி மற்றும் சகோதரிகள் ஆகியோருடன் திண்டிவனம் கடைவீதிக்கு வந்து பொருட்கள் வாங்கினார். பின்னர் இந்திரா காந்தி பேருந்து நிலையத்தில் நின்று கொண்டிருந்தனர். அப்போது அன்பரசன் தனது மோட்டார் சைக்கிளை எடுப்பதற்காக அங்கிருந்து சென்றார். அந்த சமயத்தில் அங்கு மதுபோதையில் வந்த மர்மநபர் ஒருவர் அன்பரசனின் மனைவி கழுத்தில் கிடந்த 5 பவுன் நகையை பறித்து சென்றார். இது குறித்த புகாரின் பேரில் திண்டிவனம் போலீசார் வழக்குப்பதிவு செய்து விசாரணை நடத்தி வந்தனர். இதில் நகையை பறித்தது திண்டிவனம் அடுத்த ஆசூர் பகுதியை சேர்ந்த ஜெயமுருகன் (35) என்பது தெரிந்தது. இதையடுத்து அவரை போலீசார் கைது செய்து விசாரணை நடத்தி வருகின்றனர்.