நெல்லை அருகே தாழையூத்து குறிச்சிகுளம் விலக்கு பகுதியில் நேற்று தாழையூத்து போலீசார் வாகன சோதனையில் ஈடுபட்டனர். அப்போது அந்த வழியாக வந்த டிப்பர் லாரியை நிறுத்தி சோதனை நடத்தினர். அதில் லாரியில் சரள்மண் கடத்தி வந்தது தெரியவந்தது. இதையடுத்து போலீசார் வழக்குப்பதிவு செய்து, லாரியை ஓட்டிவந்த குறிச்சிகுளம் தெற்கு தெருவை சேர்ந்த முத்துராஜை (வயது 30) கைது செய்தனர். மேலும் டிப்பர் லாரி மற்றும் 2 யூனிட் சரள்மண் பறிமுதல் செய்யப்பட்டது.