கள் விற்றவர் கைது

கச்சிராயப்பாளையம்,

கச்சிராயப்பாளையம் அருகே க.அலம்பலம் கிராமத்தில் சட்டத்தை மீறி கள் விற்பனை செய்யப்படுவதாக கச்சிராயப்பாளையம் போலீசாருக்கு ரகசிய தகவல் கிடைத்தது. இதையடுத்து இன்ஸ்பெக்டர் பாலகிருஷ்ணன் தலைமையிலான போலீசார் அப்பகுதியில் தீவிர ரோந்து பணி மேற்கொண்டனர். அப்போது அங்குள்ள ஏரிக்கரை அருகே பெருமங்கலம் வடக்கு காட்டுகொட்டாய் பகுதியை சேர்ந்த முருகன்(வயது 63)என்பவர் கள்ளை பதுக்கி வைத்து விற்பனை செய்து கொண்டிருந்தார். இதைபார்த்த போலீசார், அவரை கைது செய்தனர். மேலும் அவரிடம் இருந்து 10 லிட்டர் கள்ளை பறிமுதல் செய்தனர்.