மாடியில் இருந்து தவறி விழுந்த ஆசிரியர் சாவு

சின்னசேலம்

சின்னசேலம் அருகே வி.கிருஷ்ணாபுரம் கிராமத்தை சேர்ந்தவர் அப்துல்அஜீஸ் (வயது 52). நைனார்பாளையம் அரசு மேல்நிலைப்பள்ளியில் ஆசிரியராக பணிபுரிந்து வந்த இவர் கடந்த சில மாதங்களுக்கு முன்பு அவரது வீட்டின் மாடிப்படியில் இருந்து தவறி கீழே விழுந்தார். இதனால் உடல் நலம் பாதிக்கப்பட்டு சிகிச்சை பெற்று வந்த அப்துல் அஜீசுக்கு நேற்று முன்தினம் இரவு மீண்டும் திடீரென உடல் நலக்குறைவு ஏற்பட்டது. இதையடுத்து குடும்பத்தினர் அவரை சிகிச்சைக்காக சின்னசேலம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இது குறித்த புகாரின் பேரில் கீழ்குப்பம் போலீசார் வழக்குப்பதிவு செய்து விசாரணை நடத்தி வருகின்றனர்.