தொழிலாளி வீட்டில் நகை திருட்டு

களக்காடு:

களக்காடு அருகே உள்ள மூங்கிலடியை சேர்ந்தவர் செல்வம் (வயது 53). கூலி தொழிலாளி. சம்பவத்தன்று இரவில் இவர் தனது குடும்பத்தினருடன் களக்காடு மாசான சுவாமி கோவில் கொடை விழாவிற்கு சென்றுவிட்டார். இதை நோட்டமிட்ட மர்ம நபர்கள் அவரது வீட்டுக்குள் புகுந்து அங்கே இருந்த 3 பவுன் தங்க நகையை திருடிச் சென்று விட்டதாக கூறப்படுகிறது. மறுநாள் காலையில் வீட்டிற்கு வந்த செல்வம், அங்கிருந்த சங்கிலி திருடப்பட்டிருப்பதை கண்டு அதிர்ச்சி அடைந்தார். இதுபற்றி அவர் களக்காடு போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வருகின்றனர்.