ரூ.1¾ லட்சம்-25 கிேலா வெள்ளி பொருட்கள் திருட்டு

வீட்டின் கதவு உடைப்பு

புதுக்கோட்டை மாவட்டம், திருமயம் அருகே பனையப்பட்டி திருமகள் இல்லம் பகுதியை சேர்ந்தவர் செல்வகணேசன் (வயது 55). இவர் தற்போது அதே ஊரில் உள்ள அக்ரஹாரம் பகுதியில் வசித்துவருகிறார். இந்நிலையில் திருமகள் இல்லம் பகுதியில் உள்ள செல்வகணேசனின் வீட்டின் பின்பக்க கதவு உடைக்கப்பட்டு திறந்து கிடந்தது. இதைப்பார்த்து அதிர்ச்சியடைந்த அந்த வழியாக சென்றவர்கள் இதுகுறித்து செல்வகணேசனுக்கு தகவல் தெரிவித்தனர்.

25 கிலோ வெள்ளி பொருட்கள்

தகவலின் பேரில் அவர் விரைந்து வந்து வீட்டின் உள்ளே சென்று பார்த்தார். அப்போது ஒரு அறையில் இருந்த ஜன்னலை உடைத்து அங்கு பீரோவில் இருந்த 25 கிலோ வெள்ளி பொருட்கள் மற்றும்ரூ.1 லட்சத்து 75 ஆயிரம் ஆகியவற்றை மர்மநபர்கள் திருடி சென்றது தெரியவந்தது. இதுகுறித்து செல்வகணேசன் பனையப்பட்டி போலீஸ் நிலையத்தில் புகார் கொடுத்தார். அதன்பேரில், போலீசார் சம்பவ இடத்திற்கு விரைந்து வந்து அப்பகுதியில் உள்ள கண்காணிப்பு கேமராவில் பதிவான காட்சிகளை பதிவு செய்தனர். மேலும் இதுகுறித்து போலீசார் வழக்குப்பதிவு செய்து, வீட்டின் கதவை உடைத்து 25 கிலோ வெள்ளி பொருட்கள், பணத்தை திருடி சென்ற மர்மநபர்களை வலைவீசி தேடி வருகின்றனர்.