யாதவ நாராயண பெருமாள் கோவிலில் திருக்கல்யாணம்

சிக்கல்:

கீழ்வேளூரில் யாதவ வல்லி தாயார் சமேத யாதவ நாராயண பெருமாள் கோவிலில் திருக்கல்யாண உற்சவம் நடந்தது. இதையொட்டி பெருமாள் - யாதவவல்லி தாயார் மண்டபத்தில் எழுந்தருளினர். தொடர்ந்து சிறப்பு ஹோமங்கள் நடந்தது. முன்னதாக அஞ்சுவட்டத்தம்மன் கோவிலில் இருந்து பக்தர்கள் சீர்வரிசை பொருட்களை ஊர்வலமாக எடுத்து வந்தனர். தொடர்ந்து மலர்களால் அலங்கரிக்கப்பட்ட யாதவ நாராயண பெருமாள் மற்றும் யாதவவல்லித் தாயார் ஆகியோருக்கு கன்னிகா தானம், திருமாங்கல்ய தாரணம், திருவாதாரணம் செய்யப்பட்டு வேதமந்திரம் முழங்க திருக்கல்யாணம் நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.இதற்கான ஏற்பாடுகளை கோவில் நிர்வாகத்தினர் மற்றும் உபயதாரர்கள், கிராம மக்கள் செய்து இருந்தனர்.