வியாபாரிகள் சங்க ஆண்டு விழா

வள்ளியூர்:

வள்ளியூர் வியாபாரிகள் சங்க 90-வது ஆண்டு விழா, மகாசபை கூட்டம் வள்ளியூரில் உள்ள தனியார் திருமண மண்டபத்தில் நடந்தது. சங்க தலைவர் முருகன் தலைமை தாங்கினார். உதவி தலைவர் ராதாகிருஷ்ணன் வரவேற்றார். செயலாளர் ராஜ்குமார் ஆண்டறிக்கை வாசித்தார். பொருளாளர் ஜோவின் பார்ச்சுனேட் வரவு-செலவு கணக்கை வாசித்தார். சங்க தணிக்கையாளர் சீராக் இசக்கியப்பன் கணக்கு தணிக்கை அறிக்கையை வாசித்தார்.

விழாவில் சங்க நிர்வாகிகளின் குழந்தைகளுக்கு விளையாட்டு போட்டிகள் நடத்தப்பட்டு, வெற்றி பெற்றவர்களுக்கு பரிசுகள் வழங்கப்பட்டது. மேலும் 10, 12-ம் வகுப்பு தேர்வில் முதல், 2-வது மதிப்பெண்கள் எடுத்த மாணவ-மாணவிகளுக்கு ரொக்கப்பரிசு, கேடயம் வழங்கப்பட்டது. விழாவில் நிர்வாக குழு உறுப்பினர்கள் அருணா, பாலமுருகன், சிதம்பரகுமார், ஜீவா, கணேசன், கார்த்தீசன், செலின், ராஜேந்திரன், சேதுராமலிங்கம், சுரேஷ், சங்கரன், ரவிசங்கர் உள்பட பலர் கலந்து கொண்டனர். முடிவில், உதவி செயலாளர் காதர்மைதீன் நன்றி கூறினார்.