கோவை: கார் மீது மோதிய வேகத்தில் அந்தரத்தில் பறந்து வேனுக்குள் புகுந்த பைக் - சினிமாவை விஞ்சிய விபத்து

கோவை,

கோவை மாவட்டம் க.க.சாவடி பகுதியில் உள்ள கோழி பண்ணை அருகே உள்ள சாலையில் இன்று மாலை 6.30 மணியளவில் பயங்கர விபத்து ஏற்பட்டது.

சாலையில் வேகமாக சென்றுகொண்டிருந்த கார் மீது பைக் மோதியது. இதில் கார் மீது மோதிய வேகத்தில் பைக் அந்தரத்தில் பறந்தது. அப்போது அந்த சாலையில் வந்துகொண்டிருந்த வேன் மீது அந்தரத்தில் பறந்த பைக் பாய்ந்தது.

கார் மீது மோதிய பைக் அந்தரத்தில் பறந்து அதேசாலையில் வந்துகொண்டிருந்த வேனுக்குள் புகுந்தது. இந்த சம்பவத்தில் பைக்கில் இருந்தவர் படுகாயமடைந்தார். அந்தரத்தில் பறந்த பைக் சாலையில் வந்த வேன் மீது பாய்ந்த நிலையில் வேனில் இருந்தவர்களும் படுகாயமடைந்தனர்.

இதையடுத்து, இந்த விபத்தில் படுகாயமடைந்தவர்கள் அனைவரும் மீட்கப்பட்டு அருகில் உள்ள மருத்துவமனையில் சிகிச்சைக்காக அனுமதித்தனர். இந்த விபத்து தொடர்பாக போலீசார் விசாரணை நடத்தி வருகின்றனர்.

கார் மீது மோதிய வேகத்தில் அந்தரத்தில் பறந்தவாறு சென்ற பைக் அதே சாலையில் வந்துகொண்டிருந்த வேனுக்குள் புகுந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.