அம்பை:

தூத்துக்குடி விஸ்வபுரம் பகுதியைச் சேர்ந்த பாலமுருகன் மகன் சுரேஷ் (வயது 23). பெயிண்டிங் தொழிலாளியான இவர் தனது சக தொழிலாளர்களுடன் நேற்று அம்பை பகுதிக்கு சுற்றுலா வந்தார். அங்கு மதியம் 12 மணியளவில் சின்ன சங்கரன்கோவில் பகுதியில் தாமிரபரணி ஆற்றில் குளிக்கும் போது திடீரென ஆழமான பகுதிக்கு சென்றதில் மாயமானார். தகவல் அறிந்ததும் தீயணைப்பு துறையினர் விரைந்து வந்து தேடுதல் பணியில் ஈடுபட்டனர். மாலை 6 மணி வரை தேடியும் சுரேஷ் குறித்து எந்த தகவலும் கிடைக்கவில்லை. இதையடுத்து மீண்டும் இன்று காலை தேடும் பணி நடைபெறும் என்று தீயணைப்பு துறையினர் தெரிவித்தனர்.