புயல் கரையை கடக்கும்போது மழை அல்லது காற்றில் எது அதிகமாக இருக்கும்?

சென்னை,

கடந்த 15 ஆண்டுகளில் தமிழக கடற்கரையை நோக்கி வந்து செங்குத்தாக கடந்த சென்ற புயலாக 'தானே' (2011), 'வர்தா' (2016) மற்றும் 'கஜா' (2018) புயல்கள் பார்க்கப்படுகிறது. இந்த 3 புயல்களும் கரையை கடக்கும் போது, அதன் காற்றின் வேகம் வலிமையானதாக இருந்தது. ஆனால் குறைந்த அளவிலேயே மழையை கொடுத்தது.

அதேபோல், கடந்த 20 ஆண்டுகளில் தென் கிழக்கில் இருந்து மேற்கு-வடமேற்கு திசையிலும், தென் பகுதியில் இருந்து வடக்கு திசையிலும் நகர்ந்து வந்த 'ஓக்னி' (2006), 'நிஷா' (2008), 'நிவார்' (2020) ஆகிய 3 புயல்கள் காற்றை காட்டிலும் அதிகளவு மழையை தாங்கி வந்து பெய்தன.

அந்த வகையில்தற்போது வரக்கூடிய 'மிக்ஜம்' புயலும் தென் கிழக்கு வங்கக்கடலில் இருந்து மேற்கு-வடமேற்கு திசையை நோக்கிதான் நகர்ந்து வருகின்றன. அவ்வாறு பார்க்கும்போது, இந்த புயல் நல்ல மழையை கொடுக்கும் என்றே எதிர்பார்க்கப்படுகிறது.