தேனி அல்லிநகரம் இளங்கோ நகரை சேர்ந்தவர் ரமேஷ் (வயது 47). கொத்தனார். நேற்று முன்தினம் இவர், அல்லிநகரத்தில் இருந்து சுக்குவாடன்பட்டிக்கு நடந்து சென்று கொண்டிருந்தார். பெரியகுளம்-தேனி மெயின் ரோட்டில் பொம்மைய கவுண்டம்பட்டியில் சாலையை கடக்க முயன்றார். அப்போது அந்த வழியாக வந்த மோட்டார்சைக்கிள் அவர் மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு சிகிச்சைக்காக தேனி அரசு மருத்துவ கல்லூரி மருத்துவமனையில் சேர்த்தனர். இதுகுறித்து அல்லிநகரம் போலீஸ் சப்-இன்ஸ்பெக்டர் செந்தில்குமார் வழக்குப்பதிவு செய்து விசாரணை நடத்தி வருகிறார்.