ஓடும் பஸ்சில் பணம் திருடிய பெண் கைது

திருச்சி அரியமங்கலம் ஜெகநாதபுரத்தை சேர்ந்தவர் கோமதி(வயது 23). இவர் நேற்று முன்தினம் மதியம் திருச்சி-தஞ்சை ரோடு மீன் மார்க்கெட் அருகே பஸ்சில் சென்று கொண்டிருந்தார். அப்போது அவருடைய மணிபர்சில் இருந்து ரூ.1,500-ஐ பெண் ஒருவர் திருடிக்கொண்டு தப்ப முயன்றார். இதை கண்டு கோமதி கூச்சலிட்டார். இதையடுத்து அருகில் இருந்தவர்கள் அந்த பெண்ணை கையும், களவுமாக பிடித்து காந்தி மார்க்கெட் குற்றப்பிரிவு போலீசில் ஒப்படைத்தனர். போலீசார் நடத்திய விசாரணையில் அந்த பெண், மதுரை வண்டியூரை சேர்ந்த சாந்தி(49) என்பது தெரியவந்தது. இது குறித்து போலீசார் வழக்குப்பதிவு செய்து, அவரை கைது செய்தனர்.