மோட்டார்சைக்கிள் சக்கரத்தில் சேலை சிக்கி பெண் சாவு

ராணிப்பேட்டை அருகே பரமசாத்து கிராமம் யாதவர் காலனியை சேர்ந்தவர் கோவிந்தசாமி (வயது 47). இவரது மனைவி ராதா (42). இவர்களுக்கு ராஜா, லோகேஷ் ஆகிய 2 மகன்கள் உள்ளனர்.

இந்தநிலையில் ராதா தனது மூத்த மகனுடன் மோட்டார்சைக்கிளில் ராணிப்பேட்டை நோக்கி வந்தார். குமணந்தாங்கல் அருகே வந்தபோது எதிர்பாராத விதமாக ராதாவின் சேலை ேமாட்டார்சைக்கிள் சக்கரத்தில் சிக்கியது. இதில் நிலைத்தடுமாறி கீழே விழுந்ததில் ராதா படுகாயம் அடைந்தார். உடனடியாக அவரை அக்கம்பக்கத்தினர் மீட்டு சிகிச்சைக்காக வாலாஜாபேட்டை அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்க்ள ஏற்கனவே இறந்து விட்டதாக தெரிவித்தனர்.

இதுகுறித்து சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.