மின்கம்பத்தில் மோட்டார் சைக்கிள் மோதி தொழிலாளி சாவு

திசையன்விளை:

தூத்துக்குடி மாவட்டம் கடகுளத்தை சேர்ந்தவர் அருள்தாசன். இவருடைய மகன் ஜெர்மானஸ்தியோ (வயது 31). பெயிண்டிங் தொழிலாளி. இவரும், இவரது நண்பர் ரம்மதபுரம் அன்றோ எஸ்தாக் நவின் என்பவரும் நேற்று முன்தினம் இரவு ஒரே மோட்டார் சைக்கிளில் கடகுளத்திற்கு புறப்பட்டு சென்றனர். ஆனைகுடி- குட்டம் சாலையில் சென்றபோது மோட்டார்சைக்கிள் திடீரென நிலைதடுமாறி அங்குள்ள தோட்டத்தின் அருகில் உள்ள மின்கம்பத்தில் மோதியது. இதில் ஜெர்மானஸ் தியோ சம்பவ இடத்திலேயே பரிதாபமாக இறந்தார். அன்றோ எஸ்தாக் நவின் பலத்த காயம் அடைந்தார். சம்பவம் குறித்து உவரி போலீஸ் இன்ஸ்பெக்டர் (பொறுப்பு) ஜமால் வழக்குப்பதிவு செய்து விசாரணை நடத்தி வருகிறார்.