விடுதலை சிறுத்தைகள் கட்சியின் வேட்பாளர்கள் பட்டியல் வெளியீடு

சென்னை,

தமிழகத்தில் ஏப்ரல் 6-ம் தேதி சட்டசபை தேர்தல் நடைபெற உள்ளது. தேர்தலில் பதிவாகும் வாக்குகள் மே 2-ம் தேதி எண்ணப்படுகிறது. தேர்தல் தேதி அறிவிக்கப்பட்டத்தையடுத்து, ஒவ்வொரு அரசியல் கட்சிகளும் வேட்பாளர் தேர்வு, கூட்டணி, தொகுதி பங்கீடு, பிரசாரம் உள்ளிட்ட பல்வேறு நடவடிக்கைகளையும் தீவிரப்படுத்தியுள்ளது. இதனால் தமிழக அரசியல் களம் உச்சபட்ச பரபரப்பில் உள்ளது.

திமுக கூட்டணியில் இந்திய யூனியன் முஸ்லீம் லீக் - 3, மனிதநேய மக்கள் கட்சி - 2, விடுதலை சிறுத்தைகள் - 6, இந்திய கம்யூனிஸ்ட் - 6, மதிமுக - 6, காங்கிரஸ் - 25 ஆகிய தொகுதிகள் ஒதுக்கீடு செய்யப்பட்டுள்ளது.

இந்நிலையில் திமுக கூட்டணியில் போட்டியிடும் விடுதலைச் சிறுத்தைகள் கட்சியின் வேட்பாளர் பட்டியலை அக்கட்சியின் தலைவர் தொல். திருமாவளவன் இன்று வெளியிட்டுள்ளார்.

அதன் விவரம் வருமாறு:-

வானூர் - வன்னியரசு

செய்யூர் - பனையூர் பாபு

திருப்போரூர் - எஸ்.எஸ்.பாலாஜி

காட்டுமன்னார்கோயில் - சிந்தனைச் செல்வன்

நாகப்பட்டினம் - ஆளுர் ஷாநவாஸ்

அரக்கோணம் - கவுதம் சன்னா

மேலும்6 தொகுதிகளிலும் விடுதலைச் சிறுத்தைகள் கட்சி தனிச் சின்னத்தில் போட்டியிடும் என்று திருமாவளவன் தெரிவித்துள்ளார்.