<
வேட்பாளர்களின் செலவு கணக்குகள் கண்காணிக்கப்படும் - தலைமை தேர்தல் அதிகாரி சத்யபிரதா சாகு தகவல்
வேட்பாளர்களின் செலவு கணக்குகளை தொடர்ந்து கண்காணிக்கப்பட்டு வருகிறது என தலைமை தேர்தல் அதிகாரி சத்யபிரதா சாகு தெரிவித்துள்ளார்.
சென்னை,
இது குறித்து சென்னை தலைமை செயலகத்தில் தலைமை தேர்தல் அதிகாரி சத்யபிரதா சாகு செய்தியாளர்கள் சந்திப்பில் கூறியதாவது:-
தமிழகம் முழுவதும் வேட்பு மனு தாக்கல் நடைபெற்று வருகிறது. 12ஆம் தேதி முதல் இன்று மதியம் வரை 59 பேர் வேட்பு மனு தாக்கல் செய்துள்ளனர். இதுவரை வேட்பு மனு தாக்கல் செய்தவர்களில் ஆண்கள்-58 பேர், ஒரு பெண் அடங்குவர்.
தமிழகத்தில் இதுவரை ரூ.109.45 கோடி மதிப்பில் பணம்,பரிசுப் பொருட்கள் பறிமுதல் செய்யப்பட்டுள்ளன. உரிய ஆதாரங்களை காட்டினால் பணம் பொருள் திரும்ப வழங்கப்படும். தேர்தல் விதிமீறல் குறித்து இதுவரை 1,120 புகார் வந்துள்ளன. அதில் 600-க்கும் மேற்பட்ட புகார்களுக்கு நடவடிக்கை எடுக்கப்பட்டுள்ளது.
வேட்பாளர்களின் வங்கி கணக்கு, கூகுள் பே தொடர்ந்து கண்காணிக்கப்பட்டு வருகிறது. முதல் முறை வாக்காளர்களுக்கு இதுவரை 16 லட்சம் வாக்காளர் அட்டை விரைவு அஞ்சல் மூலம் அனுப்பப்பட்டுள்ளது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
