வாக்கு எண்ணிக்கை நாளான மே 2-ம் தேதி காலை 8 மணி வரை தபால் வாக்குகள் பெறப்படும் - சத்யபிரதா சாகு தகவல்

சென்னை, 

வாக்கு எண்ணிக்கை நாளான மே 2-ம் தேதி காலை 8 மணி வரை காவல்துறை, அரசு ஊழியர்களுக்கான தபால் வாக்குகள் பெறப்படும் என்றும், 80 வயதுக்கு மேற்பட்ட முதியவர்கள், மாற்றுத்திறனாளிகளிடம் இருந்து ஏப்ரல் 5-ம் தேதி வரை தபால் வாக்குகள் பெறப்படும் என்றும் தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.

இதுதொடர்பாக செய்தியாளர்கள் சந்திப்பில் பேசிய அவர், “80 வயது நிரம்பிய 92,559 முதியவர்களும், மாற்றுத்திறனாளிகள் 30,894 பேரும் தபால் வாக்களிக்க விண்ணப்பங்கள் விநியோகம் செய்யப்பட்டுள்ளது. இதேபோன்று காவல்துறை, அரசு ஊழியர்களுக்கான அஞ்சல் வாக்குகள் மே 2-ம் தேதி காலை 8 மணி வரை பெறப்படும். மொத்தம் 4.66 லட்சம் அஞ்சல் வாக்குகளில் இதுவரை 1.31 லட்சம் வாக்குகள் மட்டுமே பெறப்பட்டுள்ளன” என்று அவர் தெரிவித்தார்.