உலக செய்திகள்

ரஷியாவில் 2036 வரை புதின் ஆட்சி: பொதுவாக்கெடுப்பில் மக்கள் அமோக ஆதரவு + "||" + Putin regime in Russia up to 2036: on overwhelming support of the people in referendum

ரஷியாவில் 2036 வரை புதின் ஆட்சி: பொதுவாக்கெடுப்பில் மக்கள் அமோக ஆதரவு

ரஷியாவில் 2036 வரை புதின் ஆட்சி: பொதுவாக்கெடுப்பில் மக்கள் அமோக ஆதரவு
மக்களின் அமோக ஆதரவால் ரஷியாவில் 2036-ம் ஆண்டு வரை புதின் அதிபராக இருந்து ஆட்சி நடத்த வழிபிறந்துள்ளது.
மாஸ்கோ,

ரஷியாவில் அதிபர் விளாடிமிர் புதினின் 6 ஆண்டு ஆட்சிக்காலம் 2024-ம் ஆண்டு முடிவு அடைய இருந்தது. இந்த நிலையில் அவரது ஆட்சிக்காலத்தை மேலும் 12 ஆண்டுகள் (2036 வரை) நீட்டிக்க வகை செய்தும், பல்வேறு சீர்திருத்தங்களுக்கு வழிவகுத்தும், அந்த நாட்டின் அரசியல் சாசனத்தில் திருத்தங்கள் செய்யப்பட்டன. இதற்கு அந்த நாட்டின் நாடாளுமன்றம் ஏற்கனவே ஒப்புதல் அளித்து விட்டது.


புதிய அரசியல் சாசனம் அங்குள்ள புத்தக கடைகளில் விற்பனைக்கு வந்து விட்டது. ஆனாலும் பொதுமக்களின் ஒப்புதலை பெறுவது அவசியம் என்று புதின் திட்டவட்டமாக கூறி விட்டார்.

அதைத் தொடர்ந்து இந்த திருத்தங்களுக்கு பொதுமக்களின் ஒப்புதலைப் பெறுவதற்காக கடந்த ஏப்ரல் மாதம் 22-ந் தேதி பொதுவாக்கெடுப்பு நடத்த தீர்மானிக்கப்பட்டிருந்தது. ஆனால் கொரோனா வைரஸ் தொற்று பரவல் காரணமாக பொதுவாக்கெடுப்பு தள்ளி போடப்பட்டு, இப்போது நடந்து முடிந்துள்ளது.

7 நாட்கள் நடந்த பொதுவாக்கெடுப்பில் பதிவான வாக்குகளை எண்ணும் பணி நேற்று முன்தினம் தொடங்கியது. 30 வாக்குச்சாவடிகள் அறிக்கை அளித்துள்ள நிலையில், 74 சதவீத வாக்காளர்கள் புதிய சீர்திருத்தங்களை ஆதரித்துள்ளதாக அந்த நாட்டின் மத்திய தேர்தல் கமிஷன் அறிவித்துள்ளது.

மக்களின் அமோக ஆதரவால் ரஷியாவில் 2036-ம் ஆண்டு வரை புதின் அதிபராக இருந்து ஆட்சி நடத்த வழிபிறந்துள்ளது. புதின் இன்றி ரஷியா இல்லை என்பது மக்கள் அளித்துள்ள ஆதரவால் நிரூபணம் ஆகி உள்ளது.

அரசியல் சாசன சட்ட திருத்தமானது உத்தரவாதம் அளிக்கப்பட்ட குறைந்தபட்ச ஓய்வூதியம், ஓரின சேர்க்கை திருமணத்துக்கு தடை போன்றவற்றுக்கும் வழிவகை செய்திருப்பது குறிப்பிடத்தக்கது.

தொடர்புடைய செய்திகள்

1. ரஷியாவில் ஆற்றில் மூழ்கி இறந்த 4 தமிழக மாணவர்கள் உடல்கள் அடுத்த வாரம் வருகை - மத்திய மந்திரி தகவல்
ரஷியாவில் ஆற்றில் மூழ்கி இறந்த 4 தமிழக மாணவர்கள் உடல்கள் அடுத்த வாரம் வந்து சேரும் என்று மத்திய மந்திரி தகவல் தெரிவித்துள்ளார்.
2. ரஷியாவால் உருவாக்கப்பட்டுள்ள கொரோனா தடுப்பூசி சோதனை விவரங்களை ஆய்வு செய்ய உலக சுகாதார நிறுவனம் ஆர்வம்
ரஷியாவால் உருவாக்கப்பட்டுள்ள உலகின் முதலாவது தடுப்பூசியின் சோதனை விவரங்களை ஆய்வு செய்ய ஆர்வமாக காத்திருக்கிறோம் என்று உலக சுகாதார நிறுவனம் அறிவித்துள்ளது.
3. ரஷியாவில் நதியில் குளித்தபோது தமிழகத்தைச் சேர்ந்த மருத்துவ மாணவர்கள் 4 பேர் பலி
மருத்துவ படிப்புக்காக ரஷியா சென்ற சென்னை உள்பட தமிழகத்தைச் சேர்ந்த 4 மாணவர்கள் அங்குள்ள நதியில் மூழ்கி பலியானார்கள்.
4. போதையில் கொடுமை: கணவரை கொன்று நன்கு கழுவி உப்பு போட்டு பிரிட்ஜில் வைத்த மனைவி
போதையில் கொடுமை செய்ததால் கணவரை கொன்று நன்கு கழுவி உப்பு போட்டு பிரிட்ஜில் வைத்துள்ளார் மனைவி
5. சீனா-ரஷியா உறவுகளில் விரிசல்; சீனா உளவு பார்த்ததாக ரஷியா குற்றச்சாட்டு
சீனா-ரஷியா உறவுகளில் விரிசல் ஏற்பட்டு உள்ளது சீனா உளவு பார்த்ததாக ரஷியாகுற்றம் சாட்டியது, எஸ் -400 ஏவுகணை வழங்குவதை ஒத்திவைக்கிறது.

ஆசிரியரின் தேர்வுகள்...