#உக்ரைன் போர் லைவ் அப்டேட்ஸ்: மரியோபோல் நகரில் ரஷியா ரசாயன ஆயுதங்களை பயன்படுத்தியதா..!

உக்ரைன் மரியோபோல் நகரில் ரஷியப் படையினர் ரசாயன ஆயுதங்களை பயன்படுத்தியதாக கூறப்படுவது குறித்து ஆராயப்போவதாக அமெரிக்காவும், பிரிட்டனும் தெரிவித்துள்ளன.

கடந்த திங்கள்கிழமையன்று, உக்ரைன் அசோவ் பகுதியில் உள்ள படைப்பிரிவு மீது நடந்த தாக்குதலில், மூன்று ராணுவ வீரர்கள் 'விஷத்தன்மை கொண்ட பொருளால்' காயமடைந்ததாக கூறியுள்ளனர்.

ஆனால், ரசாயன ஆயுதங்கள் பயன்படுத்தப்பட்டதை உறுதி செய்யும் வகையில் ஆதாரங்கள் எதுவும் சமர்ப்பிக்கவில்லை. ரஷியா ரசாயன ஆயுதங்களை பயன்படுத்தினால், அது இந்த போரை ஆபத்தான நிலைக்கு கொண்டு செல்லும் என்று மேற்கத்திய நாடுகள் எச்சரித்துள்ளன. அத்தகைய தாக்குதல்களை ரஷியா மேற்கொண்டால், கடுமையான நடவடிக்கை எடுப்போம் என்றும் அந்நாடுகள் உறுதி அளித்துள்ளன.

ஏப்ரல் 13,   12.05 p.m

இன்று (புதன்கிழமை) மனிதாபிமான தாழ்வாரங்களை திறக்க முடியாது என்று உக்ரைன் துணைப் பிரதமர் கூறியதாக ஊடகங்களில் செய்தி வெளியாகி உள்ளது. 

ஏப்ரல் 13,   11.29 a.m

போலந்து, பால்டிக் நாடுகளின் அதிபர்கள் கீவ்வுக்கு வருகை

போலந்து ஜனாதிபதி ஆண்ட்ரெஜ் டுடா மற்றும் லிதுவேனியா, லாட்வியா மற்றும் எஸ்டோனியாவின் ஜனாதிபதிகள் உக்ரைன் ஜனாதிபதி வோலோடிமிர் ஜெலென்ஸ்கியை சந்திப்பதற்காக கீவ்வை நோக்கிச் சென்றுள்ளனர் என்று போலந்து தலைவரின் ஆலோசகர் தெரிவித்தார். 

ஏப்ரல் 13,   10.51 a.m

இராணுவ ஜெனரலை நியமிப்பதன் மூலம் கட்டளையை மையப்படுத்த ரஷியா முயற்சிப்பதாக இங்கிலாந்து கூறுகிறது என்று ஊடகங்களில் செய்தி வெளியாகி உள்ளது. 

ஏப்ரல் 13,   09.16 a.m

உக்ரைனுக்கு  புதிய இராணுவ உதவியை அமெரிக்கா உருவாக்குகிறது

ரஷிய படையெடுப்பாளர்களுக்கு எதிரான போர்களில் உக்ரைனுக்கு சுமார் 750 மில்லியன் டாலர் இராணுவ உதவியினை ஜோ பைடன் நிர்வாகம் வழங்கி வருகிறது என்று இந்த விஷயத்தை நன்கு அறிந்தவர்கள் அதிகாரிகள் தெரிவித்தனர். ஆயுதங்கள் மற்றும் பிற உபகரணங்கள் ஜனாதிபதியின் டிராடவுன் அதிகாரத்தின் கீழ் அனுப்பப்படும் என்று எதிர்பார்க்கப்படுகிறது, இது அவசரகாலத்தின் போது விநியோகத்தை விரைவுபடுத்துவதற்காக காங்கிரசின் ஒப்புதல் இல்லாமல் அமெரிக்க பங்குகளில் இருந்து உபகரணங்களை மாற்றுவதற்கு ஜனாதிபதி ஜோ பைடனை அனுமதிக்கிறது.

ஏப்ரல் 13,  08.40 a.m

ரஷிய ராணுவம் கிழக்கில் ஆக்ரமிக்க துவங்கி உள்ளநிலையில், போர் தொடரும் என்று விளாடிமிர் புதின் சபதம் செய்துள்ளார். 

மேற்கத்திய அதிகாரிகளின் கூற்றுப்படி, கீவ்வை கைப்பற்றுவது, அரசாங்கத்தை கவிழ்ப்பது மற்றும் மாஸ்கோ நட்பு ஆட்சியை நிறுவுவது என்ற குறிக்கோளுடன் பிப்ரவரி 24 அன்று ரஷியா படையெடுத்தது. ஆறு வாரங்களில், தரை முன்னேற்றம் முடக்கப்பட்டது. ரஷியப் படைகள் ஆயிரக்கணக்கான ராணுவ வீரர்களை இழந்தது. பொதுமக்கள் மற்றும் பிற அட்டூழியங்களில் ஈடுபட்டுள்ளதாக குற்றம் சாட்டப்பட்டுள்ளது. 

ஏப்ரல் 13,   07.45 a.m

ரஷியாவால் கைப்பற்றப்பட்ட உக்ரேனியர்களுக்காக தேசத்துரோக குற்றச்சாட்டுக்கு ஆளான கிரெம்ளின் சார்பு அதிபர் விக்டர் மெட்வெட்சுக்கை மாற்ற உக்ரைன் அதிபர் ஜெலென்ஸ்கி முன்வந்துள்ளதாக ஏ.எப்.பி செய்தி நிறுவனம் (AFP) தெரிவித்துள்ளது.

ஏப்ரல் 13,   06.31 a.m

உக்ரைனின் மிகப் பெரிய பணக்காரர்களில் ஒருவரும், ரஷிய அதிபர் புதினுக்கு நெருக்கமானவருமான மெட்வெட்சுக், வீட்டுக் காவலில் இருந்து தப்பிய பிறகு கண்டுபிடிக்கப்பட்டபோது, ​​உக்ரேனிய ராணுவ சீருடையை அணிந்திருந்ததாக தகவல் வெளியாகி உள்ளது. 

ஏப்ரல் 13 - 03.30 A.M

ரஷியா 'இனப்படுகொலை' செய்கிறது -  ஜோ பைடன்

அமெரிக்க ஜனாதிபதி ஜோ பைடன் முதன் முறையாக உக்ரைனில் ரஷியாவின் படையெடுப்பை "இனப்படுகொலை" என்று குறிப்பிட்டார்.

அயோவாவில் நடந்த போரின் காரணமாக அதிகரித்து வரும் எரிபொருள் விலையை நிலைநிறுத்த தனது நிர்வாகம் எடுத்து வரும் நடவடிக்கைகள் பற்றி ஒரு நிகழ்வில் பேசிய பைடன், உக்ரைனிய குடிமக்களுக்கு எதிராக ரஷியா அட்டூழியங்களை நடத்துவதைக் கண்ட மோதலை "இனப்படுகொலை" என்று குறிப்பிட்டார்.

ஏப்ரல் 13 - 03.00 A.M

உக்ரைன் பத்திரிகையாளர்களை ரஷியா சிறை வைத்துள்ளது என உக்ரைன் துணை பிரதமர் இரினா வெரேஸ்சுக் குற்றம்சாட்டியுள்ளார்.

இதுதொடர்பாக அவர் கூறுகையில், உக்ரைன் பத்திரிகையாளர்கள், சமூக ஆர்வலர்கள், அரசியலமைப்பு நிர்வாகிகள், குடிமக்கள் உள்ளிட்ட பலரை ரஷிய அரசு சிறைகளில் அடைத்து உள்ளது என தெரிவித்தார்.

ஏப்ரல் 13 - 02.00 A.M

ரஷியாவின் கிழக்குப் பகுதியில் உள்ள வேஸ்டாக்னி விண்வெளி ஏவுதள மையத்திற்கு சென்ற அதிபர் புதின் நிருபர்களைச் சந்தித்தார்.

அப்போது அவர் கூறுகையில், ரஷியாவை உலகின் எந்த சக்தியாலும் தனிமைப்படுத்த முடியாது. இன்றைய சூழலில், யாரையும் எந்த ஒரு நாடும் தனிமைப்படுத்துவது என்பது நிச்சயமாக சாத்தியம் இல்லாத ஒன்று. எங்களுடன் ஒத்துழைப்புடன் செயல்பட விரும்பும் நட்பு நாடுகளுடன் நாங்கள் பணியாற்றுவோம் என தெரிவித்தார்.

ஏப்ரல் 13 - 01.00 A.M

உக்ரைனில் நிலைமையை உன்னிப்பாக கவனித்து வருவதாக இரசாயன ஆயுத கண்காணிப்பு அமைப்பு தெரிவித்துள்ளது

ரசாயன ஆயுதங்களை தடை செய்வதற்கான அமைப்பு (OPCW) மரியுபோலில் இரசாயன ஆயுதங்கள் பயன்படுத்தப்பட்டதாக சமீபத்திய உறுதிப்படுத்தப்படாத அறிக்கையால் கவலையடைவதாகக் கூறியுள்ளது.

இரசாயன ஆயுத கண்காணிப்பு அமைப்பின் செய்தித் தொடர்பாளர் உக்ரைனின் நிலைமையை உன்னிப்பாகக் கண்காணித்து வருகிறது" என்றார்.

இலக்குகள் நிறைவேறும் வரை  உக்ரைன் மீதான ராணுவ நடவடிக்கை தொடரும் - புதின் 

வடக்கு உக்ரைனில் வீடுகள், வயல்வெளிகள், தெருக்களில் கண்ணிவெடிகளை ரஷிய படைகள் புதைத்துச்சென்றுள்ளதாக உக்ரைன் அதிபர் குற்றம்சாட்டி உள்ளார்.

உக்ரைன் மீதான ரஷிய போர் 46 லட்சம் மக்களை அகதிகளாக்கி வெளிநாடுகளுக்கு ஓட வைத்துள்ளது. அண்டை நாடான போலந்துக்கு மட்டுமே 26 லட்சம் பேர் சென்று தஞ்சம் அடைந்துள்ளனர்.

மெக்சிகோ வழியாக அமெரிக்காவில் 10 ஆயிரம் உக்ரைன் அகதிகள் நுழைந்துள்ளனர் என அமெரிக்க சுங்கம் மற்றும் எல்லை ரோந்து படையினர் தெரிவித்தனர்.

ரஷியா தனது கொடூர தாக்குதலை தொடங்கியது முதல், உக்ரைனின் அனைத்து பகுதிகளிலும் இருந்தும் உக்ரைனியர்கள் செக் குடியரசின் 2-வது பெரிய நகரமான பர்னோவில் சென்று தஞ்சம் அடைந்துள்ளனர். அங்கு அவர்கள், துப்பாக்கிகளை பாதுகாப்பாக கையாள்வதற்கான திறன்களை பெற்றுள்ளதாக அங்கிருந்து வரும் தகவல்கள் கூறுகின்றன.

உக்ரைன் போர் தொடங்கிய 6 வாரங்களில் மூன்றில் இரு குழந்தைகள், வீடுகளை விட்டுவெளியேறி உள்ளனர். இதுபற்றி யுனிசெப் அவசர கால திட்ட இயக்குனர் மனுவேல் பான்டெயின் கூறும்போது, “உக்ரைனின் 75 லட்சம் குழந்தைகளில் 48 லட்சம் குழந்தைகள் இடம் பெயர்ந்திருப்பது நம்ப முடியாத ஒன்றாக உள்ளது” என குறிப்பிட்டார்.

உக்ரைனில் ரஷிய படைகள் நடத்திய தாக்குதல்களில் இதுவரையில் 186 குழந்தைகள் கொல்லப்பட்டுள்ளனர். 344 பேர் படுகாயம் அடைந்துள்ளனர் என உக்ரைன் அரசு தலைமை வக்கீல் அலுவலகம் தெரிவித்துள்ளது.

938 கல்வி நிறுவனங்கள் ரஷிய படைகளின் தாக்குதல்களில் சேதம் அடைந்துள்ளன. 87 கட்டிடங்கள் தரைமட்டமாக்கப்பட்டுள்ளன.

வடக்கு உக்ரைனில் வீடுகள், வயல்வெளிகள், தெருக்கள் என எல்லா இடங்களிலும் ரஷிய படைகள், கண்ணிவெடிகளை புதைத்து விட்டு சென்றுள்ளன என்ற புதிய குற்றச்சாட்டை உக்ரைன் அதிபர் விளாமிர் ஜெலன்ஸ்கி முன்வைத்துள்ளார். ஒவ்வொரு நாளும் இப்போது இந்த கண்ணிவெடிகளை உக்ரைன் படையினர் அகற்றிக்கொண்டிருப்பதாகவும் அவர் தெரிவித்தார்.

இதுபற்றி மேலும் அவர் கூறும்போது, “எங்கள் மக்களை முடிந்தவரை கொல்ல வேண்டும் அல்லது ஊனப்படுத்த வேண்டும் என்று வேண்டுமென்றேதான் எல்லாவற்றையும் ரஷிய படையினர் செய்துள்ளனர்” என குறிப்பிட்டார்.

லிதுவேனிய நாடாளுமன்றத்தில் நேற்று காணொலிக்காட்சி வழியாக பேசிய அவர், ரஷியாவுக்கு எதிரான பொருளாதார தடைகளை அதிகரிக்குமாறு ஐரோப்பிய யூனியனை கேட்டுக்கொண்டார்.

கிழக்கு உக்ரைனின் டான்பாஸ் பிராந்தியத்தில் உக்ரைனும், ரஷியாவும் போட்டி போட்டுக்கொண்டு படைகளை கட்டியெழுப்புகின்றன. ரஷியா புதிய படைகளை அனுப்புவதாக பி.பி.சி.யிடம் உக்ரைனிய அதிகாரி ஒருவர் தெரிவித்தார். அதே நேரத்தில் உக்ரைனும் தனது படைகளை அங்கு வலுப்படுத்துவதாக தகவல்கள் கூறுகின்றன.

இதற்கிடையே போர் தொடங்கிய நாள் முதல் ரஷியாவின் முற்றுகையின்கீழ் உள்ள மரியுபோல் நகரில் ரஷியா ரசாயன ஆயுதங்களை பயன்படுத்தியதாக உறுதிபடுத்தப்படாத தகவல்கள் கூறுகின்றன.

உக்ரைனில் புச்சா மாவட்டத்தில் காரில் வந்த 2 குழந்தைகள் உள்பட 5 பேரை ரஷிய படையினர் சுட்டுக்கொன்றனர். அந்தக் குழந்தைகள் ஒரு வயது மற்றும் 14 வயது உடையவர்கள்.

இந்த நிலையில் கிமெல்னிட்ஸ்கி பிராந்தியத்தில் விமானப்படை தளத்துக்குள் இருக்கும் ஆயுத கிடங்கையும், ஒரு போர் விமானத்தையும் நவீன ஏவுகணைகள் மூலம் தாக்கி அழித்ததாக ரஷிய ராணுவம் தெரிவித்துள்ளது. அதே போல் ரஷிய படைகளின் தாக்குதலில் கீவ் பிராந்தியத்தில் உள்ள ஒரு ஆயுத கிடங்கும் நிர்மூலமாக்கப்பட்டதாக தெரிவிக்கப்பட்டுள்ளது.

இதனிடையே ரஷியாவின் இலக்குகள் நிறைவேறும் வரை உக்ரைன் மீதான ராணுவ நடவடிக்கை தொடரும் என ரஷிய அதிபர் புதின் திட்டவட்டமாக தெரிவித்துள்ளார்.

இதுபற்றி அவர் கூறுகையில், “திட்டமிட்டப்படி ராணுவ நடவடிக்கை நடக்கிறது. இழப்புகளை குறைக்க விரும்புவதால் நாங்கள் வேகமாக நகரவில்லை. இஸ்தான்புல்லில் நடைபெற்ற பேச்சுவார்த்தையின்போது உக்ரைன் தனது முன்மொழிவுகளில் பின்வாங்கியதால் பேச்சுவார்த்தையில் முட்டுக்கட்டை ஏற்பட்டது. எனவே தாக்குதலை தவிர ரஷியாவுக்கு வேறு வழியில்லை. நிர்ணயிக்கப்பட்ட இலக்குகளை அடையும் வரை ராணுவ நடவடிக்கை தொடரும்” என்றார்.