லைவ் அப்டேட்ஸ்: ரஷிய ஏவுகணை போர் கப்பல் மீது உக்ரைன் தாக்குதல்

உக்ரைன் மீது ரஷியா நடத்தி வரும் போர் 50-வது நாளாக நீடித்து வருகிறது. உக்ரைன் - ரஷியா இடையே நீடித்து வரும் போர் குறித்த முக்கிய செய்திகள் பின்வருமாறு:-

மரியபோல் நகரில் இருந்து வெளியேற சுமார் 1 லட்சம் பேர் காத்திருக்கின்றனர் - மேயர் தகவல்

கார்கீவ் நகரில் ரஷியா நடத்திய குண்டு வீச்சு தாக்குதலில் மேலும் 4 பேர் உயிரிழப்பு - உக்ரைன் அதிகாரிகள் தகவல்

ரஷியாவின் கருங்கடல் போர்க்கப்பல் கடுமையாக சேதமடைந்தது, பணியாளர்கள் வெளியேற்றப்பட்டனர்

கருங்கடலில் ரஷியாவின் ஏவுகணை கப்பல் "மாஸ்க்வா" மீது உக்ரைனின் இரண்டு நெப்டியூன்  கப்பல் ஏவுகணைகளை ஏவியது, இதனால் கடுமையான சேதம் ஏற்பட்டது என்று ஒடெசாவின் பிராந்திய நிர்வாகத்தின் தலைவர் டெலிகிராமில் தெரிவித்தார்.

ரஷியாவின் பாதுகாப்பு அமைச்சகம் கப்பல் "தீவிரமாக சேதமடைந்தது" என்பதை உறுதிப்படுத்தியுள்ளது மற்றும் "தீயினால் வெடித்த வெடிமருந்துகள் வெடித்ததன் விளைவாக" பணியாளர்கள் முற்றிலும் வெளியேற்றப்பட்டனர்,

உக்ரைனுக்கு கூடுதல் அமெரிக்க இராணுவ உதவி  நிபுணர் வரவேற்பு

ஜான் ஸ்பென்சர், ஓய்வுபெற்ற அமெரிக்க ராணுவ மேஜரும், மேடிசன் பாலிசி மன்றத்தில் நகர்ப்புற போர் நிபுணருமான ஜான் ஸ்பென்சர், அமெரிக்கா உக்ரைனுக்கு பீரங்கி மற்றும் பீரங்கி குண்டுகளை அனுப்புவதைக் கண்டு மகிழ்ச்சி அடைவதாக கூறியுள்ளார்.

‘ரஷிய போர் ஒரு இனப்படுகொலை’ ஜோ பைடன் பேச்சால் பரபரப்பு

ரஷிய போர் ஒரு இனப்படுகொலை, உக்ரைனை அழிக்க ரஷியா முயற்சிக்கிறது என்று ஜோ பைடன் கூறியது சர்வதேச அளவில் பரபரப்பை ஏற்படுத்தி உள்ளது.

அமெரிக்காவின் அயோவா மாகாணத்தில் உள்ள மென்லோவில் நேற்று நடந்த நிகழ்ச்சி ஒன்றில் அந்த நாட்டின் ஜனாதிபதி ஜோ பைடன் கலந்துகொண்டு பேசினார். உக்ரைன் போரினால் எரிபொருட்கள் விலை உயர்ந்து வருவது பற்றி அவர் பேசினார். அப்போது அவர் உக்ரைன் மீது ரஷியா தொடுத்துள்ள போரை ஆவேசமாக தாக்கினார். அவர் பேசும்போது கூறியதாவது:-

உக்ரைனுக்கு எதிராக புதின் இனப்படுகொலை செய்கிறார் என்று நான் எண்ணினேன். இனப்படுகொலைக்கான சர்வதேச தரத்தை ரஷியாவின் நடத்தை பூர்த்தி செய்யுமா என்பது குறித்து வக்கீல்கள் முடிவு செய்ய வேண்டும். எனக்கு நிச்சயமாக அப்படித்தான் தோன்றுகிறது. உக்ரைனில் ரஷிய படையினர் செய்த கொடூரமான செயல்களுக்கு இன்னும் பல ஆதாரங்கள் வெளியே வருகின்றன. மேலும் பேரழிவு பற்றி நாம் இன்னும் இன்னும் அதிகமாக நாம் அயிறப்போகிறோம். இது இனப்படுகொலைதானா என்பதை வக்கீல்கள் சர்வதேச அளவில் தீர்மானிக்க விடுவோம்.

இவ்வாறு அவர் கூறினார்.

அயோவாவில் இருந்து வாஷிங்டன் திரும்புவதற்கு ஏர் போர்ஸ் ஒன் விமானத்தில் ஏறுவதற்கு முன்பாக நிருபர்களிடம் பேசியபோது, புதின் பற்றி சொன்ன கருத்தை ஜோ பைடன் உறுதி செய்தார். அப்போது அவர், “ஆமாம், ரஷிய போரை நான் ஒரு இனப்படுகொலை என்றே அழைத்தேன். உக்ரைனியர் என்ற ஒருவர் இருக்கக்கூடாது என ஒழித்துக்கட்ட புதின் முயற்சிக்கிறார் என்பது இன்னும் தெளிவாகி இருக்கிறது” என குறிப்பிட்டார்.

ஜோ பைடனின் இந்த பேச்சு சர்வதேச அளவில் பரபரப்பை ஏற்படுத்தி உள்ளது.

 ரஷிய அட்டூழியங்களைத் தடுப்பதற்கு  கூடுதலான ஆயுதங்கள் தேவை -  உக்ரைன் அதிபர்

ஜோ பைடனின் இந்த பேச்சை உக்ரைன் அதிபர் விளாடிமிர் ஜெலன்ஸ்கி வரவேற்றார். இதுகுறித்து அவர் டுவிட்டரில் வெளியிட்ட பதிவில், “ஒரு உண்மையான தலைவரின் உண்மையான வார்த்தைகள். தீமையை எதிர்த்து நிற்பதற்கு பொருட்களை அவற்றின் பெயர்களால் அழைப்பது அத்தியாவசியமானது. இதுவரை வழங்கப்பட்ட அமெரிக்க உதவிகளுக்கு நன்றி. ரஷிய அட்டூழியங்களைத் தடுப்பதற்கு இன்னும் கூடுதலான ஆயுதங்கள் எங்களுக்கு தேவை” என குறிப்பிட்டுள்ளார்.