ஆன்மிகம்

காஞ்சீபுரத்தில் வரதராஜ பெருமாள் வீதி உலா + "||" + In kancipurat Varatharaja Perumal Street View

காஞ்சீபுரத்தில் வரதராஜ பெருமாள் வீதி உலா

காஞ்சீபுரத்தில் வரதராஜ பெருமாள் வீதி உலா
ஆண்டுதோறும் மார்கழி மாதம் காஞ்சீபுரம் வரதராஜ பெருமாள் கோவிலில் இருந்து பெருமாள் வேடன் வேடத்தில் செவிலிமேட்டுக்கு புறப்பட்டு வரும் விழா நடத்தப்படுகிறது.
காஞ்சீபுரம்,

காஞ்சீபுரம் வரதராஜ பெருமாள் கோவில் 108 வைணவ தலங்களில் ஒன்று. இந்த கோவிலின் தல புராணத்தின்படி, ராமானுஜர் வழிதவறி காஞ்சீபுரம் செவிலிமேடு காட்டுப்பகுதியை வந்தடைகிறார். அப்போது அவருக்கு வேடன் ஒருவர் அடைக்கலம் தந்து, தினசரி பூஜைகளை செய்வதற்கு உதவுகிறார். பிறகு வேடன் வேடத்தில் உதவியது வரதராஜ பெருமாள்தான் என்பதை ராமானுஜர் உணர்கிறார். இதன் நினைவாக, அந்த இடத்தில் ராமானுஜருக்கு தனிக்கோவில் அமைக்கப்படுகிறது.

இந்த நிகழ்வையொட்டி ஆண்டுதோறும் மார்கழி மாதம் காஞ்சீபுரம் வரதராஜ பெருமாள் கோவிலில் இருந்து பெருமாள் வேடன் வேடத்தில் செவிலிமேட்டுக்கு புறப்பட்டு வரும் விழா நடத்தப்படுகிறது.

இந்த ஆண்டுக்கான விழாவையொட்டி செவிலிமேட்டில் அமைந்திருக்கும் ராமானுஜர் கோவிலுக்கு நேற்று முன்தினம் வரதராஜ பெருமாள் வீதி உலா வந்தார். ராமானுஜர் கோவிலை அடைந்த பெருமாளுக்கு ராமானுஜர் தீர்த்தம் எடுத்துவரப்பட்டு அபிஷேகம் செய்யும் திருவிழா நடந்தது. இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.

அதைத்தொடர்ந்து, வேடர் வேடத்தில் பவனி வந்த வரதராஜ பெருமாளும், ராமானுஜரும், ராமானுஜர் கோவிலில் இருந்து புறப்பட்டு தேசிகர் மண்டபத்தை அடைந்தனர். பின்னர் விளக்கொளி கோவில் தெரு, சின்ன காஞ்சீபுரம் சாலை வழியாக வரதராஜர் கோவில் மாட வீதியை வந்தடைந்தனர். பின்னர் பெருமாளும், ராமானுஜரும் கோவிலுக்கு சென்றனர்.

அங்கு மண்டகப்படி திருவிழா நடைபெற்றது. பின்னர் வரதராஜ பெருமாள் மற்றும் ராமானுஜர் அவரவர் சன்னதிக்கு சென்றனர். இந்த விழாவில் திரளான பக்தர்கள் கலந்துகொண்டு சாமி தரிசனம் செய்தனர்.

தொடர்புடைய செய்திகள்

1. காஞ்சீபுரத்தில் அத்திவரதர் தரிசன நெரிசலில் சிக்கி 4 பக்தர்கள் பலி 100-க்கும் மேற்பட்டவர்கள் மயக்கம்
காஞ்சீபுரத்தில் அத்திவரதர் தரிசன நெரிசலில் சிக்கி 4 பக்தர்கள் இறந்தனர். மேலும் 100-க்கும் மேற்பட்டவர்கள் மயக்கம் அடைந்தனர்.
2. அத்திவரதர் தரிசனம்: அர்ச்சகர்கள் போலீசார் மோதல் தரிசனம் நிறுத்தம் பக்தர்கள் அவதி
காஞ்சீபுரத்தில், அத்திவரதர் தரிசனத்தின் போது, விஐபி வரிசையில் வந்த அர்ச்சகர்களை, போலீசார் தடுத்ததால், வாக்குவாதம் ஏற்பட்டு, 20 நிமிடம் தரிசனம் நிறுத்தப்பட்டது.
3. காஞ்சீபுரத்தில் ரோஜாப்பூ நிற பட்டு உடுத்தி அத்திவரதர் பக்தர்களுக்கு காட்சி சுட்டெரிக்கும் வெயிலில் நீண்ட வரிசையில் நின்றதால் பக்தர்கள் மயக்கம்
காஞ்சீபுரம் அத்திவரதர் நேற்று 8-வது நாளாக ரோஜாப்பூ நிற பட்டு உடுத்தி பக்தர்களுக்கு காட்சியளித்தார். அதிகாலையில் இருந்தே பக்தர்கள் நீண்ட வரிசையில் நின்று அத்திவரதரை கண்டு தரிசித்தனர். குடிநீர் கிடைக்காமல் பெண்கள் மயக்கம் போட்டதால் பரபரப்பு ஏற்பட்டது.
4. காஞ்சீபுரத்தில் மஞ்சள் பட்டாடையில் அத்திவரதர் ஒரே நாளில் 92 ஆயிரம் பக்தர்கள் குவிந்தனர்
காஞ்சீபுரம் வரதராஜபெருமாள் கோவிலில் அத்திவரதர் நேற்று 7-வது நாளில் மஞ்சள் நிற பட்டாடையில் காட்சி அளித்தார். நேற்று ஒரே நாளில் 92 ஆயிரம் பக்தர்கள் அவரை தரிசித்தனர்.
5. காஞ்சீபுரத்தில் அத்திவரதர் விழா 4 நாட்களில் 2 லட்சம் பக்தர்கள் தரிசனம்
காஞ்சீபுரம் வரதராஜபெருமாள் கோவிலில் நடந்து வரும் அத்திவரதர் விழாவில் 4 நாட்களில் 2¾ லட்சம் பக்தர்கள் தரிசனம் செய்தனர்.