நாகாபரண முருகன்

திருப்போரூர் கருவறையில் பனை மரத்தடியில் புற்றிடம்கொண்ட சுயம்புவாக முருகப்பெருமான் காட்சி தருகிறார். இவருக்கு அபிஷேகம் கிடையாது. புனுகு சட்டம் மட்டுமே சாற்றப்படுகிறது. பின்னர் கவசம் அணிந்து அலங்காரம் செய்கிறார்கள். அபிஷேகத்திற்காக தனியே ஒரு முருகனும் பிரதிஷ்டை செய்யப்பட்டுள்ளது.

குமரி மாவட்டம் வேளிமலையில் விஸ்வரூப முருகப்பெருமான் காட்சியளிக்கிறார். இந்த கந்தன் 8 அடி 8 அங்குல உயரத்துடன் கம்பீரமாக வீற்றிருக்கிறார். அதே போல் வள்ளி அம்மையின் திருவுருவம் 6 அடி 2 அங்குலம் கொண்டது. முருகப்பெருமான், வயதான தோற்றத்திலும், வேடனாகவும் வந்து வள்ளியம்மையை திருமணம் செய்து கொண்ட தலமாக இது சொல்லப் படுகிறது. வள்ளியுடன் முருகப்பெருமான் காட்சியளிக்கும் அபூர்வ தலம் இதுவாகும்.