உங்கள் முகவரி

கட்டமைப்புகளுக்குள் குளிர்ச்சி தரும் நவீன கட்டுமான அணுகுமுறை + "||" + The cooling modern construction approach within structures

கட்டமைப்புகளுக்குள் குளிர்ச்சி தரும் நவீன கட்டுமான அணுகுமுறை

கட்டமைப்புகளுக்குள் குளிர்ச்சி தரும் நவீன கட்டுமான அணுகுமுறை
இயற்கையான முறையில் வீடுகளுக்குள் வெப்பம் மற்றும் குளிர் போன்ற பாதிப்புகள் இல்லாத வகையில், உலக அளவில் பல்வேறு புதிய யுக்திகள் கடைப்பிடிக்கப்படுகின்றன.
நமது பகுதிகளில் ஆங்காங்கே நடைமுறையில் உள்ள ‘இடைவெளி கொண்ட சுவர்‘ அமைப்பானது பழங்காலம் முதலாக நடைமுறையில் இருந்து வந்ததாக சொல்லப்படுகிறது.

நவீன அணுகுமுறை

‘இடைவெளி கொண்ட சுவர்’ (Cavity wall insulation) என்ற அடிப்படையில் மேற்கண்ட சுவர் கான்கிரீட் கொண்டு அமைக்கப்படுகிறது. முழுவதும் கான்கிரீட் கொண்டு அமைக்கப்படுவதால் கட்டிடம் உறுதியாக இருக்கும். தமிழர்களின் கட்டிடக்கலை சிறப்பு வாய்ந்தது. கற்காலம் முதல் தற்காலம் வரை அந்த கலைச்சிறப்பு நவீன அணுகுமுறைகளோடு இன்றும் தொடர்கிறது.


வெப்பத்தின் தாக்கம்

சிமெண்டு பிரதானமாக கொண்டு கட்டமைக்கப்பட்ட இன்றைய கான்கிரீட் வீடுகளில் ஏர்-கண்டிஷன் வசதிகள் அவசியம் வேண்டும் என்ற அளவிற்கு வெப்பத்தின் தாக்கம் உள்ளது. அதற்கு நல்ல மாற்றுவழியாக மேற்கண்ட தொழில்நுட்பத்தை குறிப்பிடலாம். தமிழகத்தில் இந்த முறை தற்போது தென்மாநிலங்களில் உள்ள சில கட்டுமான பொறியாளர்களால் கடைபிடிக்கப்பட்டு வருவதாக அறியப்பட்டுள்ளது.

கான்க்ரீட் சுவர்

மேற்கண்ட சுவர் அமைப்பில், கட்டிடத்தின் கீழ் தளத்தில் இருந்து மேல்தளம் வரை எந்த இடத்திலும் செங்கல் பயன்பாடு கிடையாது. அனைத்து வகை சுவர்களும் கான்கிரீட் மூலமே அமைக்கப்படுகிறது. அதாவது, 9 அங்குலம் அளவு கொண்ட சுவர்களின் உள்பகுதியில் 3 அங்குல இடைவெளி கொண்டதாக அமைக்கப்படும். அதன் இருபுறங்களிலும் 3 அங்குல அளவு கொண்ட கம்பிகள் கட்டப்பட்ட கான்கிரீட் அமைப்பாக இருக்கும்.

கம்பிகள் இணைப்பு

அத்தகைய சுவர்களின் மீது கட்டிடம் மேல்பகுதி வரை கட்டப்படுகிறது. தரைத்தளம் உள்ளிட்ட அனைத்து பக்கவாட்டு சுவர்களும் கான்கிரீட் கம்பிகளால் உள்புறம் இணைக்கப்பட்டுள்ளன. மேல்மாடியில் வெப்பம் உட்புகாத வெள்ளை நிறத்தில் குளிர்ச்சி தரும் தளஓடுகள் பதிக்கப்படும்.

வெப்பநிலை குறையும்

எல்லாவிதமான சுவர்களும் உள்பகுதியில் வெற்றிடம் கொண்டதாக கட்டப்பட்டுள்ளதால் வெயில் காலத்தில் வீட்டுக்குள் வெப்பத்தின் அளவு குறைவதால் பாதிப்புகள் ஏற்படுவதில்லை. அதாவது, வெளிப்புற வெப்ப நிலையை விட உள்அறைகளில் 5 டிகிரி அளவில் குறைவான வெப்பநிலை காரணமாக குளிர்சாதன வசதியில் பயன்பாடு பெருமளவுக்கு குறைந்துவிடுகிறது. மேலும், குளிர் காலத்தில் கட்டிடத்தின் உள்ளே குளிரின் பாதிப்பு இல்லாமல், அறை வெப்பநிலையே இருந்து கொண்டிருக்கும்.

காற்று ‘இன்சுலேட்டர்’

கட்டிடத்தின் வெளிப்புறத்தில் நிலவும் குளிரையும், வெப்பத்தையும், சுவர்களின் உள்பகுதியிலுள்ள வெற்றிடம் தடுத்து விடுகிறது. அதாவது, இடைவெளியில் உள்ள காற்று இன்சுலேட்டராக செயல்படுகிறது. பொதுவாக, செங்கல் சுவர்கள் மழைக்காலத்தில் ஏற்படக்கூடிய பாதிப்புகள் இவ்வகை சுவர்களில் ஏற்படுவதில்லை என்று இந்த கட்டுமான பணியை செய்த பொறியாளர்கள் குறிப்பிட்டுள்ளார்கள். 


தொடர்புடைய செய்திகள்

1. தமிழ் கலாசார அழகை வெளிப்படுத்தும் ஆயிரம் ஜன்னல் வீடு
சிவகங்கை மாவட்டம் காரைக்குடியில் உள்ள செட்டிநாடு பகுதியில் அமைந்துள்ள பாரம்பரிய வீடுகள் உலக புகழ் பெற்றவையாக உள்ளன.
2. மனை அமைப்புக்கேற்ப வாஸ்து குறிப்பிடும் பெயர்கள்
வாஸ்து சாஸ்திர ரீதியாக அஷ்ட திக்கு பாலர்கள் என்ற திசை நாயகர்களுக்கு நான்கு பிரதான திசைகள் மற்றும் நான்கு கோண திசைகள் ஆகிய எட்டு பாகங்களும் பிரித்து அளிக்கப்பட்டிருக்கின்றன.
3. விரைவான கட்டிட பணிகளில் எந்திரங்களின் பங்கு
பழுதான பழைய கட்டிடங்களை இடித்து அகற்றுவது, உறுதியான மண் இல்லாத இடங்களில் ஆழமான அஸ்திவாரம் தோண்டுவது, உயரமான இடங்களில் செய்யப்படும் கட்டுமான வேலைகள் ஆகியவற்றை செயற்கை நுண்ணறிவு கொண்ட ‘ரோபோக்கள்’ எளிதாக செய்து முடிக்கின்றன.
4. வீட்டுமனை பட்டாவில் கவனிக்க வேண்டிய விவரங்கள்
நகர்ப்புறங்களில் வீட்டுமனை அல்லது நிலங்கள் வாங்கும்போது அவற்றின் பத்திரங்களை மட்டும் வைத்து சம்பந்தப்பட்ட இடத்தின் உரிமை விற்பவருக்கு முழுமையாக உள்ளது என்ற முடிவுக்கு வருவது பல சிக்கல்களுக்கு வழிவகுத்து விடலாம் என்று ரியல் எஸ்டேட் சட்ட ஆலோசகர்கள் குறிப்பிட்டுள்ளனர்.
5. தேசிய கட்டிட விதிகளில் இடம் பெற்ற எளிய கட்டுமான முறைகள்
கட்டிடக்கலை தொழில் நுட்பங்களில் உள்ள பல்வேறு முறைகளில் ‘ரேட் டிராப் பாண்ட்’ (Rat Trap Bond) மற்றும் ‘பில்லர் ஸ்லாப்’ (Filler Slab) ஆகிய இரண்டு வகைகள் குறிப்பிடத்தக்கவை.