உங்கள் முகவரி

வீட்டு வசதி திட்டங்கள் முறையாக பதிவு செய்யப்பட வேண்டும் + "||" + Housing schemes should be properly registered

வீட்டு வசதி திட்டங்கள் முறையாக பதிவு செய்யப்பட வேண்டும்

வீட்டு வசதி திட்டங்கள் முறையாக பதிவு செய்யப்பட வேண்டும்
தமிழகத்தில் சென்ற ஆண்டு ஜூன் மாதத்தில் ரியல் எஸ்டேட் ஒழுங்குமுறை சட்டம் (RERA) செயல்பாட்டிற்கு கொண்டு வரப்பட்டது.
அதனை தொடர்ந்து தமிழகம் மற்றும் அந்தமான் நிகோபார் ஆகிய பகுதிகளுக்கான ரியல் எஸ்டேட் ஒழுங்குமுறை ஆணையம் ஏற்படுத்தப்பட்டது.

மேல் முறையீட்டு தீர்ப்பாயம்

அனைத்து குடியிருப்பு திட்டங்களையும் அந்த ஆணையத்தில் பதிவு செய்வதற்கான அடிப்படை வரையறைகள் அறிவிக்கப்பட்டன. ஆணையத்தால் பிறப்பிக்கப்படும் உத்தரவுகள் தொடர்பாக, மேல் முறையீடு செய்ய தமிழ்நாடு ரியல் எஸ்டேட் மேல்முறையீட்டு தீர்ப்பாயமும் ஏற்படுத்தப்பட்டுள்ளது.


பதிவு செய்யாத நிறுவனங்கள்

இந்த நிலையில் ரியல் எஸ்டேட் ஒழுங்குமுறை சட்டத்தின்படி அதன் ஆணையத்தில் முறையாக பதிவு செய்யப்படாத 200-க்கும் மேற்பட்ட வீட்டு வசதி திட்டங்கள் இருப்பது அறியப்பட்டுள்ளது. அத்தகைய கட்டுமான திட்டங்களில் வீடு வாங்குவது அல்லது முதலீடு செய்வது போன்ற நடவடிக்கைகளை மேற்கொள்ளக்கூடாது என்று பொது மக்களுக்கு தமிழ்நாடு ரியல் எஸ்டேட் ஒழுங்குமுறை ஆணையம் அறிவுறுத்தி இருக்கிறது.

கட்டுமான திட்ட விவரங்கள்

மேற்கண்ட சட்டத்தின்படி 500-க்கும் மேற்பட்ட கட்டுமான திட்டங்கள் முறையாக விண்ணப்பித்து, பதிவு செய்யப்பட்டுள்ளன. இருப்பினும், பல்வேறு நிறுவனங்கள் அந்த நடைமுறைக்குள் வரவில்லை என்பது அறியப்பட்ட நிலையில், சென்னை பெருநகர வளர்ச்சி குழுமம் மற்றும் நகர் ஊரமைப்பு இயக்ககம் ஆகிய அமைப்புகள் மூலம் வழங்கப்பட்ட அனுமதிகளின் அடிப்படையில் அனைத்து கட்டுமான திட்டங்களின் விவரங்களும் பெறப்பட்டன. அதன் அடிப்படையில் தமிழகம் முழுவதும், கிட்டத்தட்ட 200-க்கும் மேற்பட்ட கட்டுமான திட்டங்கள் ரியல் எஸ்டேட் ஆணையத்தில் பதிவுக்கு விண்ணப்பிக்காமல் இருப்பது உறுதி செய்யப்பட்டுள்ளது.

முதலீடு செய்ய வேண்டாம்

அவ்வாறு பதிவு செய்யப்படாத கட்டுமான திட்டங்களின் பட்டியலை ஆணையம் அதன் இணைய தளத்தில் வெளியிட்டுள்ளது. அத்தகைய வீட்டு வசதி குடியிருப்பு திட்டங்களில், வீடுகள், வணிகம் மற்றும் அலுவலக பகுதிகளை பொதுமக்கள் வாங்குவது அல்லது முதலீடு செய்வது போன்றவற்றில் ஈடுபட வேண்டாம் என்று தமிழக ரியல் எஸ்டேட் ஒழுங்குமுறை ஆணையம் அறிவுறுத்தி உள்ளது.

தகவல்களை அறியலாம்

பதிவு செய்யப்படாத கட்டுமான திட்டங்களை http://www.tnrera.in என்ற இணையதளத்திற்கு சென்று பார்வையிட முடியும். மேலும், பதிவு செய்யப்பட்ட அனைத்து குடியிருப்பு திட்டங்களையும் அவற்றின் கட்டுனர் விபரம், திட்ட விபரங்கள், அங்கீகாரம் எண் மற்றும் திட்டத்தின் கார்பெட் ஏரியா எவ்வளவு ஆகிய விபரங்களையும், பதிவு பெற்ற ரியல் எஸ்டேட் ஏஜெண்டுகள் பற்றிய தகவல்களையும் அதில் பார்க்கலாம். 


தொடர்புடைய செய்திகள்

1. வீட்டு கடனுக்கு விண்ணப்பிக்கும் முன்பு கவனிக்க வேண்டியவை
நகர்ப்புறங்களில் அல்லது புறநகர் பகுதிகளில் அமைந்துள்ள சொந்த மனைகளில் வீடு கட்ட விரும்புபவர்கள் வீட்டு கடன் வசதி நிறுவனம் அல்லது வங்கிகளிடம் விண்ணப்பம் செய்வது நடைமுறை.
2. தானப் பத்திரம் குறித்த தகவல்கள்
குறிப்பிட்ட ஒருவரிடம் இருக்கக்கூடிய வீடு-மனை உள்ளிட்ட சொத்துக்களை தானப்பத்திரம் மூலம் நெருங்கிய குடும்ப உறவினர்களுக்கு உரிமை மாற்றம் செய்து கொள்ளலாம்.
3. இருப்பில் உள்ள கட்டுமான பொருட்களின் பயன்பாடு
கட்டுமான பணிகளில் வெவ்வேறு தன்மை கொண்ட பொருட்களை வாங்கி தக்க முறையில் இருப்பு வைத்து பயன்படுத்துவது அவசியம் என்ற நிலையில் அவற்றின் பயன்பாடுகள் பற்றி கட்டுமான பொறியாளர்கள் தெரிவிக்கும் முக்கியமான குறிப்புகளை இங்கே காணலாம்.
4. கூடுதலாக வீட்டு கடன் பெற உதவும் திட்டம்
விண்ணப்பதாரரின் எதிர்கால வருமானம் அதிகரிப்பதை கருத்தில் கொண்டு, வீட்டு கடன் வசதி நிறுவனங்களால் கூடுதல் கடன் தொகை அளிக்கப்படும் முறை ஸ்டெப் அப் வீட்டு கடன் ஆகும்.
5. உறுதியான கட்டிட வடிவமைப்பில் தொழில்நுட்ப அணுகுமுறைகள்
அனைத்து கட்டுமான அமைப்புகளும் அவற்றின் எடையுடன் குடியிருப்பவர்கள் மற்றும் அவற்றில் உள்ள இதர பொருள்களின் எடையையும் தாங்கி நிற்கவேண்டும்.