சுவர்களை எளிதாக அமைக்க உதவும் தொழில்நுட்பம்

இந்த அமைப்பில் இரண்டு பக்கமும் ‘ஸ்டீல் ஹிட்டுகளும்’, இடையில் பாலியூரித்தினும் நிரப்பப்பட்டிருக்கும். மேலைநாடுகளில் பரவலாக உள்ள இந்த தொழில் நுட்பம் நமது பகுதிகளில் இப்போது பரவி வருகிறது. ‘ஜிங்க் கோட்டிங்’ மற்றும் கண்கவர் வண்ணம் போன்றவை இதன் சிறப்பம்சங்களாகும்.

சாண்ட்விச் பேனல்கள் கொண்டு எளிதாகவும், வேகமாகவும், கட்டுமானங்களின் கூரைகள் மற்றும் அறைகளின் பக்கவாட்டு சுவர்களை சுலபமாக உருவாக்கலாம். தொழிற்சாலைகள், சேமிப்பு கிடங்குகள், பெரிய வளாகங்கள் போன்ற கட்டுமானங்களுக்கு இவை பொருத்தமாக இருக்கும். சுற்றுப்புற தட்பவெப்ப நிலைகளால் பாதிக்கப்படாத காரணத்தால் குளிர் சாதன கிடங்குகள் அமைக்கவும் ஏற்றதாக அறியப்பட்டுள்ளது. சான்ட்விச் பேனல் மூலம் கீழ்க்கண்ட பயன்கள் கிடைப்பதாக தெரியவந்துள்ளது.

* அறைகளுக்கிடையில் பார்டிஷன் சுவர்களை எளிதாக அமைக்க இயலும்.

* சென்டரிங் பணிகள் மேற்கொள்ளவேண்டியதில்லை.

* இவ்வகை பேனல்களுக்கு ‘பால்ஸ் சீலிங்’ (False Ceiling) அமைப்பு வேண்டியதில்லை.

* உபயோகத்தில் உள்ள பேனல்களை அகற்றும் நிலையில் அவற்றை வேறு இடத்தில் பயன்படுத்திக்கொள்ளலாம்.

* இவ்வகை சுவர்கள் நெருப்பால் பாதிக்கப்படுவதில்லை.

* அறையின் சுவர்களாக அமைக்கப்படும்போது சுற்றுப்புற வெப்பத்தின் தாக்கம் உட்புகாமல் தடுக்கப்படுகிறது.

* மேற்கூரைகளுக்கான குறுக்கு சட்டங்கள் (Purlin) அமைக்க வேண்டிய அவசியமில்லை.