உங்கள் முகவரி

வீட்டு வசதி திட்ட கடன் சலுகை காலம் நீட்டிப்பு + "||" + Housing Facility Loan Duration Extension

வீட்டு வசதி திட்ட கடன் சலுகை காலம் நீட்டிப்பு

வீட்டு வசதி திட்ட கடன் சலுகை காலம் நீட்டிப்பு
பொருளாதாரத்தில் நலிந்த பிரிவினர், குறைந்த வருமான பிரிவினர் மற்றும் நடுத்தர வருமான பிரிவினை சேர்ந்தவர்கள் சொந்த வீடு கட்ட அல்லது வாங்க பிரதான் மந்திரி ஆவாஸ் யோஜனா என்ற வீட்டு கடன் திட்டம் 2015-ம் ஆண்டு ஜூன் மாதம் அரசால் அறிமுகம் செய்யப்பட்டது.
குறைந்த, நடுத்தர, வருமான பிரிவினர் மற்றும் பொருளாதாரத்தில் நலிவடைந்தவர்கள் சொந்த வீடு வாங்க உதவியாக 2017-ம் ஆண்டு வரை திட்டம் நீட்டிக்கப்பட்டது.

அரசு ஒவ்வொரு முறையும் இந்த திட்டத்தை மேம்படுத்தி வரும் நிலையில் மக்களிடையே இத்திட்டம் நல்ல வரவேற்பு பெற்று, இந்திய அளவில் ரியல் எஸ்டேட் துறை வளர்ச்சி பெற்றுள்ளது. குறிப்பாக, முதல் வீடு வாங்குபவர்களுக்கு இந்த திட்டம் நல்ல பயனை அளிப்பதாக பலரும் குறிப்பிட்டுள்ளார்கள்.

இந்த திட்டத்தில் கடந்த செப்டம்பர் மாதத்துடன் முடிவடைந்த காலாண்டில் வீட்டு கடன் அனுமதி 37 சதவிகிதமாகவும், குறைந்த வருமான பிரிவினருக்கு கடனுடன் இணைந்த மானியத் திட்டத்தின் (Credit Linked Subsidy Scheme ) வளர்ச்சி 18 சதவிகிதமாகவும் இருந்தது கவனிக்கத்தக்கது. இந்த திட்டத்தின் கீழ் ரூ.6 லட்சம் ஆண்டு வருமானம் கொண்டவர்கள், குறைந்த வருமானம் கொண்டவர்களுக்கு 6.5 சதவீதம் வட்டி மானியம் அளிக்கப்பட்டது. ரூ.9 லட்சம் மற்றும் ரூ.12 லட்சம் வரை வருமானம் கொண்டவர்களுக்கு 4 மற்றும் 3 சதவீதம் வட்டி மானியம் அளிக்கப்பட்டது.

இந்த திட்டத்தில் பெற்ற கடனை 20 ஆண்டுகள் வரை திருப்பி செலுத்தலாம் என்ற நிலையில் கடன் பெற்றவர்களுக்கு ரூ.2.30 லட்சம் முதல் ரூ.2.67 லட்சம் வரை வட்டி மானியம் அளிக்கப்படுகிறது.

இந்த திட்டம் தற்போது 2020 மார்ச் 31 வரை நீட்டிக்கப்படுவதாக அறிவித்துள்ள வீட்டு வசதி மற்றும் நகர்ப்புற வளர்ச்சி அமைச்சகம் இதன் மூலம் மேலும் ஒரு லட்சம் பேர் பயன் பெறுவார்கள் என்று எதிர்பார்ப்பதாகவும் செய்தி குறிப்பில் தெரிவித்துள்ளது.

தொடர்புடைய செய்திகள்

1. நடுத்தர மக்களை கவரும் புற நகர் குடியிருப்பு திட்டங்கள்
ரியல் எஸ்டேட் துறைக்கு மத்திய, மாநில அரசுகள் பல்வேறு வரிச்சலுகைகளை அளித்துள்ள நிலையில் நடுத்தர வர்க்கத்தினருக்கு அவை நல்ல வாய்ப்புகளாக அமைந்துள்ளன என்ற கருத்தை பலரும் தெரிவித்துள்ளனர்.
2. படரும் கொடி போன்ற சோலார் பேனல்கள்
சமீப காலங்களில் புதிய தொழிற்சாலைகள், பெருகும் குடியிருப்பு பகுதிகள் மற்றும் புதிய தொழில் நுட்பத்தில் உருவான மின் சாதன பொருட்கள் ஆகியவற்றின் உபயோகம் காரணமாக மின்சாரத்தின் தேவை அதிகரித்துள்ளது.
3. ‘அனைவருக்கும் வீடு’ திட்டத்தின் கீழ் தமிழகத்தில் கூடுதல் வீடுகள்
பிரதம மந்திரியின் அனைவருக்கு வீடு திட்டத்தின் மூலம் 2020-ம் ஆண்டுக்குள் நாடு முழுவதும் 1 கோடி வீடுகள் கட்டுவதற்கான இலக்கு நிர்ணயம் செய்யப்பட்டுள்ளது.
4. அஸ்திவார அமைப்பில் மூன்று நிலைகள்
கட்டுமான அமைப்புகளுக்கான கடைக்கால் என்ற அஸ்திவார அமைப்பு என்பது அவற்றிற்கு முதலும் முக்கியமானதுமான பணியாகும்.
5. வீட்டு மனைகளில் மரம், செடி, கொடிகள் வளர்ப்பு
வீடு கட்ட தொடங்கும் முன்னரே மரம், செடி, கொடிகளுக்கான தக்க இடத்தை தேர்வு செய்து வளர்க்க ஆரம்பிக்கலாம்.