உங்கள் முகவரி

குடிநீர் பயன்பாட்டில் சிக்கன நடவடிக்கை + "||" + Austerity in drinking water use

குடிநீர் பயன்பாட்டில் சிக்கன நடவடிக்கை

குடிநீர் பயன்பாட்டில் சிக்கன நடவடிக்கை
சென்னையில் கடந்த ஜூலை, ஆகஸ்ட் மாதங்களில் கடும் குடிநீர் தட்டுப்பாடு ஏற்பட்டது. அந்த நிலை செப்டம்பர் மாத தொடக்கத்தில் இருந்து மாறத்தொடங்கியது. பரவலாகப் பெய்த மழை, வீராணம் ஏரிக்கு தண்ணீர் வரத்து, கிருஷ்ணா நதி நீர் திறப்பு போன்ற காரணங்களால் சென்னையின் குடிநீர் தட்டுப்பாடு அகன்றுள்ளது.
கடந்த ஜூலை மற்றும் ஆகஸ்டு மாதங்களில் குடிநீரை சிக்கனமாக பயன்படுத்துங்கள் என விளம்பரங்கள் செய்யப்பட்ட நிலையில் மழை நீர் சேகரிப்பும் பெருமளவு கைகொடுத்துள்ளது.

மின்சாரப் பயன்பாடு அளவீட்டுக்கு மீட்டர் பொருத்தி கட்டணம் வசூலிப்பதைப் போல குடிநீர் பயன்பாட்டிற்கும் மீட்டர் பொருத்தும் பணியில் சென்னை பெருநகர மாநகராட்சி ஈடுபட உள்ளது. முதல் கட்டமாக அடையாறு மண்டலத்தில் இந்த பணி தொடங்கப்பட்டு இருகிறது. குடிநீர் தொட்டி மற்றும் பம்பு ஆகியவற்றில் டிஜிட்டல் மீட்டர் பொருத்துவதன் மூலம் குடிநீர் வீணாவதும், குழாய்களில் கசிவதும் தடுக்கப்படும். குடிநீருக்கு மீட்டர் பொருத்தினால் நீர் வீணாவதை தடுப்பது மட்டுமின்றி மொத்த பயன்பாட்டில் 35 சதவீதத்தை சேகரிக்க முடியும் எனவும் ஆய்வுகள் குறிப்பிட்டுள்ளன.

முதல் கட்டமாக அடையாறு மண்டலத்தில் சுமார் 12 ஆயிரத்துக்கும் மேற்பட்ட வர்த்தகம் மற்றும் தொழில் நிறுவனங்கள் கண்டறியப்பட்டு டிஜிட்டல் மீட்டர் பொருத்தும் பணி நடைபெற்று வருகிறது. இந்தப் பணி படிப்படியாக ஒவ்வொரு மண்டலத்திலும் தொடரும். வீடுகளை பொறுத்தவரை முதல் கட்டமாக 28 ஆயிரத்துக்கும் மேற்பட்ட வீடுகளில் டிஜிட்டல் மீட்டர் பொருத்தப்பட இருப்பதாக மாநகராட்சி தெரிவித்துள்ளது.

பெங்களூரு, புனே போன்ற இந்திய நகரங்கள் மற்றும் சிங்கப்பூர் போன்ற வெளிநாடுகளிலும் குடிநீர் நுகர்வுக்கு டிஜிட்டல் மீட்டர் பொருத்தப்பட்டுள்ளது. அதே முறை சென்னையிலும் அமல்படுத்தப்பட உள்ளது.


தொடர்புடைய செய்திகள்

1. குடிநீர் சீராக வழங்கக்கோரி, சாலை மறியலில் ஈடுபட முயன்ற பொதுமக்கள் - அதிகாரிகள் பேச்சுவார்த்தையில் உடன்பாடு
உடுமலை அருகே குடிநீர் சீராக வழங்கக்கோரி சாலை மறியலில் ஈடுபட பொதுமக்கள் முயன்றனர். பேச்சுவார்த்தையில் உடன்பாடு ஏற்பட்டதை தொடர்ந்து சாலை மறியல் முயற்சியை கைவிட்டனர்.
2. விருப்பாட்சிபுரத்தில் குடிநீர் வழங்கக்கோரி பொதுமக்கள் சாலை மறியல்
வேலூர் விருப்பாட்சிபுரத்தில் குடிநீர் வழங்கக்கோரி பொதுமக்கள் சாலை மறியலில் ஈடுபட்டதால் ½ மணி நேரம் போக்குவரத்து பாதிக்கப்பட்டது.
3. குடிநீர் வினியோகம் செய்யக்கோரி காலி குடங்களுடன் பொதுமக்கள் சாலை மறியல் விருத்தாசலத்தில் பரபரப்பு
விருத்தாசலத்தில் குடிநீர் வினியோகம் செய்யக்கோரி காலி குடங்களுடன் பொதுமக்கள் சாலை மறியல் போராட்டத்தில் ஈடுபட்டதால் பரபரப்பு ஏற்பட்டது.
4. சென்னையில் லாரிகளில் வழங்கும் தண்ணீரின் விலை உயர்வு
சென்னை அடுக்குமாடி குடியிருப்புகளுக்கு லாரிகளில் வழங்கும் தண்ணீருக்கான கட்டணத்தை குடிநீர் வாரியம் உயர்த்தியுள்ளது.
5. போச்சம்பள்ளி அருகே குடிநீர் கேட்டு பொதுமக்கள் சாலைமறியல்
போச்சம்பள்ளி அருகே குடிநீர் கேட்டு பொதுமக்கள் சாலைமறியலில் ஈடுபட்டதால் பரபரப்பு ஏற்பட்டது.