வீடு முழுவதுமே குளுமைதான்-பொருத்தமான குளிரூட்டி(ஏசி) இருந்தால்

* சென்ட்ரல் ஏர்கண்டிஷனர்

* டக்ட் லெஸ் மினி- ஸ்பிளிட்

* விண்டோ கண்டிஷனர்

* போர்ட்டபிள் ஏர் கண்டிஷனர்

* ஃப்ளோர் மௌண்டெட் ஏர் கண்டிஷனர்

* ட்யூயல் ஃப்யூயல் ஏர் கண்டிஷனர்

* ஸ்மார்ட் ஏர் கண்டிஷனர்

* ஜியோ தெர்மல் ஏர் கண்டிஷனர்

* பட்ஜெட்

* ஆற்றல் நுகர்வு

* இருக்கும் இடத்திற்கு ஏற்ப ஏசியை தேர்வு செய்வது மற்றும்பராமரிப்பு

* குளிரூட்டும் சக்தி

வீடு பெரியதாகவும் பல அறைகளைக் கொண்டதாகவும் இருந்தால் அனைத்து அறைகளையும் ஒரே நேரத்தில் குளிர்விக்க விரும்புபவர்களுக்கு மிகச் சரியான தேர்வாக இவ்வகை ஏசி இருக்கும். மத்திய ஏர் கண்டிஷனிங் யூனிட் ஒரு பிளவு அமைப்பைப் பயன்படுத்தி உங்கள் வீட்டில் நிறுவப்பட்ட குழாய்கள் மூலம் காற்றை ஒழுங்குபடுத்துகிறது ..இது ஒரு குழாய் அமைப்பு என்றும் அழைக்கப்படுகிறது. ஏசி இயக்கப்படும் பொழுது குழாய்களுடன் இணைக்கப்பட்ட அனைத்து அறைகளையும் ஒரே நேரத்தில் குளிர்விக்கிறது. அனைத்து அறைகளிலும் குளிர்ந்த காற்று புழக்கத்தில் இருப்பதால் , வீட்டில் ஈரப்பதம் குறைந்து ஒட்டு மொத்த சூழலும் குளிராகவும், வசதியாகவும் மாறுகின்றது.நவீன எச்விஏசி தொழில்நுட்பத்தை பயன்படுத்தி, ஸ்மார்ட் ஹோம் அனுபவத்திற்காக, புரோகிரம் செய்யக்கூடிய தெர்மோஸ்டாட்களை மத்திய ஏர்கண்டிஷனருடன் இணைக்கலாம்..

சிறந்த செயல்திறனை தரக்கூடிய, அதிக குழாய்களற்ற, வீட்டின் ஒரு பகுதியை குளிர்விக்க, குழாய் இல்லாத மினி-ஸ்பிளிட் ஏர் கண்டிஷனர்களை தேர்ந்தெடுப்பது சிறந்த தேர்வாகும்.இப்பொழுது கட்டப்படும் வீடுகளுக்கு குழாய் இல்லாத அமைப்புகள் சிறந்த ஒன்றாகவே இருக்கும்.. உட்புற அலகுகள் சிறியதாகவும், கச்சிதமானதாகவும் இருக்கும்.ஒவ்வொரு அறைக்கும் இந்த ஏர் கண்டிஷனர்களை பொருத்துவது மிகவும் எளிதான ஒன்றாக இருக்கின்றது.இவை ரிமோட் கண்ட்ரோலுடன் வருவதால் இவற்றை இயக்குவது எளிது. இது மட்டுமல்லாமல் ஸ்மார்ட் ஏசி கண்ட்ரோலருடன் இணைத்து உங்கள் கைப்பேசியை பயன்படுத்தி, எங்கிருந்தும் இவற்றை இயக்கலாம். இதனால் ஒவ்வொரு அறையின் வெப்பநிலையையும் தனித்தனியாக கட்டுப்படுத்த முடியும்.

ஒரு அறை அல்லது சிறிய பகுதியை குளிர்விக்க பொருத்தமான குளிரூட்டி என்று இவற்றைச் சொல்லலாம்..இவை பல அளவுகளில் கிடைக்கின்றன.விண்டோ ஏசி என்பது அனைத்து கூறுகளும் உள்ளே இணைக்கப்பட்ட ஒற்றை அலகு(யூனிட்) ஆகும். இவ்வகை குளிரூட்டிகள் பெயருக்கு ஏற்றார் போல் ஒரு ஜன்னல் அல்லது சுவற்றில் ஒரு துளை மூலம் நிறுவப்படுகின்றன. இவை குறைந்த செலவில் கிடைக்கக்கூடிய ஏசியாகவும்,நிறுவ மற்றும் பராமரிக்க எளிதாகவும், தரை இடத்தை எடுத்துக்கொள்ளாமல் ஜன்னல் அல்லது சுவற்றில் பொருத்தக்கூடியதாகவும் இருக்கின்றது.